სამართალდამცავი ორგანოების წყაროზე დაყრდნობით, უკრაინული მედია იტყობინება, რომ უკრაინის ექს-პრეზიდენტი ვიქტორ იანუკოვიჩი თავის ვაჟებთან ერთად რუსეთშია.

ყირიმის გზაზე, იანუკოვიჩმა დონეცკში, რინატ ახმეტოვთან გაათია ღამე, ხოლო ყირიმში პაველ ლებედევთან ცხოვრობდა.

ვრცელდება ინფორმაცია, რომ რუსეთში, ექს-პრეზიდენტი უმცროს შვილთან ერთად, ზღვით გადავიდა, ხოლო უფროსმა რუსეთთან საზღვარი, დონეცკის ოლქში, მანქანით გადალახა.

შეგახსენებთ, რომ ვიქტორ იანუკოვიჩზე, სისხლის სამართლის კოდექსით, განზრახ მკვლელობაში ეჭვმიტანილობის საფუძველზე, ძებნაა გამოცხადებული.