აშშ-ის სახელმწიფო მდივანის ჯონ კერის უწყებამ 40 სენატორის მიერ გაგზავნილ წერილს უპასუხა, სადაც ისინი 2014 წლის ლონდონის სამიტზე საქართველოსთვის MAP-ის მინიჭების მხარდაჭერას ითხოვდნენ.

“საქართველო განაგრძობს წინსვლას რეფორმების საკითხში. ჩვენ აღფრთოვანებული ვართ საქართველოში 2013 წელს ჩატარებული საპრეზიდენტო არჩევნების ადმინისტრირებით და ვაღიარებით მის უდიდეს კონტრიბუციას ნატო-ს, კონკრეტულად ISAF-ის ოპერაციებში. ამ და სხვა სფეროებში საქართველომ დაამტკიცა, რომ არის უნარიანი და ერთგული პარტნიორი ოპერაციებისას“, - აღნიშნულია სახელმწიფო დეპარტამენტის მიერ მომზადებულ წერილში.

სახელმწიფო დეპარტამენტი აღნიშნავს, რომ თანახმაა, მომავალ სამიტზე საქართველომ ნატო-ში გაწევრიანების სამოქმედო გეგმა მიიღოს.

“გვჯერა, რომ საქართველო იმსახურებს ნდობას ნატო-ს მომავალ სამიტზე იმ პროგრესისთვის, რომელსაც მან მიაღწია და და ასევე იმ ერთგულებისთვის, რომელსაც ნატო-ს ოპერაციებისა და სტანდარტებისადმი იჩენს. ჩვენ მხარს ვუჭერთ საქართველოს მცდელობებს, მიაღწიოს შეთანხმებას ალიანსთან და მიიღოს MAP“, - ნათქვამია წერილში.

ნინა შადური