რიგითმა პატრულმა შსს-ს სასამართლოში პროცესი მოუგო

სამართალი - 18:14, 24 Feb, 2014

3855

სამსახურიდან გათავისუფლებული პატრულის თანამშრომელი მეორე ინსტანციის სასამართლომ გაამართლა. ზვიად კუპრავას განაცხადებით, პირველ ინსტანციაში შეტანილი საჩივარი სასამართლომ არ დააკმაყოფილა, ხოლო მოგვიანებით მისი სარჩელი სააპელაციო სასამართლომ სრულად დააკმაყოფილა.
„დავით ცინარიძის გადაწყვეტლება, რითაც მე შს სამინისტროდან დამითხოვეს სააპელაციოს მოსამართლემ ნინო ქადაგიძემ 2014 წლის 31 იანვარს ბათილად სცნო, მაგრამ მანამდე, დავით ცინარიძის დათხოვნის ბრძანებამდე, იმდროინდელი შს მინისტრის ირაკლი ღარიბაშვილის ბრძანებით ვიყავი დაქვეითებული, ეს ბრძანებაც ნინო ქადაგიძემ ბათილად ცნო. ამ დაქვეითებამდე კიდევ ერთი ბრძანებით სასტიკი საყვედური გამომეცხადა. ამ ეპიზოდშიც სასამართლომ ჩემი პოზიცია გაიზიარა და ეს ბრძანებაც ბათილად ცნო. შესაბამისად, ჩემს მიმართ არსებული 3 ადმინისტრაციული დევნა - სასტიკი საყვედური, დაქვეითება და დათხოვნა - მოსამართლემ ბათილად ცნო“,- აცხადებს ზვიად კუპრავა.
ზვიად კუპრავას პირად საქმეში ამჟამად მხოლოდ დანიშვნის ბრძანება არსებობს, შესაბამისად, ის პატრულის მოქმედი თანამშრომელია. თუმცა, შესაძლოა, შსს-მ სააპელაციო სასამართლოს გადაწყვეტილება საკასაციოს წესით გაასაჩივროს. იმ შემთხვევაში თუ სააპელაციო სასამართლოს გადაწყვეტილება ძალაში შევა, კუპრავა სამსახურში ავტომატურად აღდგება. ზვიად კუპრავა სამსახურიდან 2013 წლის 1 იანვარს დაითხოვეს, მას შემდეგ, რაც მეყწვილესთან ჯანო ლობჟანიძესთან ერთად ერთ-ერთ ოჯახში გამოძახებაზე იმყოფებოდა. პატრულის შემთხვევის ადგილიდან წასვლის შემეგ, ოჯახმა განაცხადა რომ სახლიდან ოქროს ნივთები დაიაკრგა. კუპრავამ ქურდობაში საკუთარი მეწყვილე ლობჟანიძე ამხილა. გამოძიების შედეგად დადგინდა, რომ მოპარული ნივთები „სოკარის“ საპირფარეშოს სასაპნე მოწყობილებაში იყო დამალული. კუპრავას განმარტებით, მასზე სწორედ ამ ფაქტის შემდეგ დაიწყო ზეწოლა. შედეგად, სამი თვის თავზე 29 მარტ ის სამსახურიდან დაითხოვეს.