ევროკავშირი მზადაა უკრაინასთან, ასოცირების შესახებ შეთანხმებას, ახალი პრეზიდენტის არჩევის შემდეგ, ხელი მოაწეროს.

როგორც „უნიანი“ იტყობინება, ამის შესახებ ბრიუსელში, ევროკომისიის პრეს-მდივანმა ოლივიე ბაიმ ბრიფინგზე დღეს განაცხადა.

„ჩვენ ამას განვიხილავთ უკრაინის ახალ ხელისუფლებასთან ერთად. ეს იმას არ ნიშნავს, რომ ჩვენთვის ახლანდელი ხელისუფლება არალეგიტიმურია. მაგრამ ვისურვებდით, რომ იყოს ახალი ხელისუფლება არჩევნების შემდეგ, და რომ მან ჩვენთან ეს განიხილოს, რათა დავრწმუნდეთ, რომ ეს მოსახლეობის მკვეთრი უმრავლესობის სრული მხარდაჭერით გაკეთებული სრულებით სუვერენული არჩევანია“, აღნიშნა ევროკომისიის პრეს-მდივანმა.