უკრაინის ყოფილი პრეზიდენტი ვიქტორ იანუკოვიჩი მონასტრის ტერიტორიაზე შენიშნეს. ამის შესახებ უკრაინის უმაღლესი რადას დეპუტატი, "ბატკივშინას" წარმომადგენელი ალექსანდრე ბრიგინეცი იუწყება.

"იანუკოვიჩი მოსკოვის საპატრიარქოს ტაძრის ტერიტორიაზე, ბუნკერში იმალება. ეს ტაძარი ვოლნოვახში, დონეცკის ოლქში მდებარეობს", - აღნიშნავს დეპუტატი და დასძენს, რომ იანუკოვიჩს დაახლოებით ათასი ადამიანი ახლავს თან.

უკრაინის შს მინისტრის მოვალეობის შემსრულებლის არსენ ავაკოვის თქმით, იანუკოვიჩის წინააღმდეგ სისხლის სამართლის საქმეა აღძრული და მისი ადგილსამყოფელი დგინდება.