გოგა ონიანის შესახებ ადვოკატებს ინფორმაცია არ აქვთ, - ამის შესახებ ბაჩო ახალაიას მეუღლე ანი ნადარეიშვილი ,,ფეისბუქის“ გვერდზე წერს.

,,არ გვეუბნებიან სად წაიყვანეს გოგა, შესაბამისად ადვოკატებსაც არ ეძლევათ საშუალება მასთან შესვლის. არადა სახლიდან რომ გამოყავდათ, ცხრაჯერ ვკითხეთ, სად მიყავდათ და ქალაქის პროკურატურაშიო. სამწუხაროდ ადამიანების გატაცება ამათი სამარკო ნიშანი გახდა...“, -წერს ანი ნადარეიშვილი.

ბაჩო ახალაიას ადვოკატი გოგა ონიანი, გვიან საღამოს დააკავეს. ამ დრომდე უცნობია რას ედავებიან ადვოკატს, მის სახლში სამართალდამცავებმა ჩხრეკა ჩაატარეს. გოგა ონიანი დაკავებას პოლიტიკურად მოტივირებულს უწოდებს.