მერაბიშვილის თქმით, ივანიშვილმა მას და ადეიშვილს ბინა და "უამრავი საჩუქარი" შესთავაზა

სამართალი - 15:35, 21 Feb, 2014

3471

დღეს გამართულ სასამართლო პროცესზე ყოფილმა პრემიერმა ვანო მერაბიშვილმა განაცხადა, რომ 2004 წლის თებერვალში ბიძინა ივანიშვილმა მას და ზურაბ ადეიშვილს საჩუქრად ბინა შესთავაზა.
„რა თქმა უნდა არ არსებობს საქართველოში არც ერთ ადამიანი ვინც ჩათვლის, რომ მე არ ვიცოდი რომ ივანიშვილი მიპირებდა შურისძიებას, ივანიშვილი შურისძიებას მიპირებდა, იმ დღიდან როცა 2004 წლის თებერვალში მან შემომთავაზა მე და ზურაბ ადეიშვილს საჩუქრად ბინა და მე უარი განვაცხადე ჩემი და ზურა ადეიშვილის სახელით, მე უარი განვაცხადე მის მცდელობაზე მიმეღო უმარავი საჩუქარი, რომელიც მან შემომთავაზა.
ის ფაქტი რომ დღეს ყველა მთავრობის წევრს პირდაპირ ან ირიბად, აქვს ნაჩუქარი ან „ქართუ ბანკიდან“ ან სხვა ბანიკად კრედიტით აღებული ნაყიდი ბინა, ეს ამტკიცებს რომ ივანიშვილმა გააგრძელა საქართველოში ის ტაქტიკა, რომელსაც რუსი ოლიგარქები ახორციელებდნენ და სრულიად არ არის შემთხვევითი, რომ ჩვენ გვებრძოდა ორი რუსი ოლიგარქი და მთელი ჩვენი რეფორმების მთავარი მოწინააღმდეგეები იყვნენ ორი რუსი ოლიგარქი ბადრი პატარკაციშვილი და ბიძინა ივანიშვილი.
ჩვენ წინააღმდეგ შექმნილი საზოგადოებრივი აზრი დიდი ფული, დიდი გავლენები, იყო ამ ორი ადამიანის მეშვეობით ვლადიმერ პუტინის მიერ განხორიციელებული. არც პატარკაციშვილი და არც ივანიშვილი არ მალავენ და არც მალავდნენ, რომ მათი მთავარი სამიზნე ვიყავით ჩვენ“,- აღნიშნა მერაბიშვილმა.