ვანო მერაბიშვილის ემოციური გამოსვლა სასამართლო პროცესზე

სამართალი - 12:51, 21 Feb, 2014

4761

დღევანდელ სასამართლო პროცესზე შს ყოფილმა მინისტრმა ვანო მერაბიშვილმა სიტყვა წარმოსთქვა და განაცხადა, რომ იგი რუსეთის პრეზიდენტის ვლდიმერ პუტინის და მისი ოლიგარქის ბიძინა ივანიშვილის პატიმარია.
„მე ამ სპექტაკლში როლის თამაშშზე ერთი მიზეზით დაგთანხმდით, რომ მქონოდა საშუალება სასამართლო პროცესებზე, ჩემი ოჯახის, ჩემი მეგობრების და ნათესავებთან შეხვედრის საშუალება მქონოდა. რა თქმა უნდა, ჩვენ ბევრი რამე ვერ გავაკეთეთ და რა თქმა უნდა ერთ-ერთი ყველაზე დიდი შეცდომა ჩვენს მიერ დაშვებულია და არის ის რომ სათანადო ყურადღება არ მივაქციეთ სასამართლოს რეფორმირებას.
ჩვენი მეგობრები ჩვენ ხშირად ვსაუბრობთ ამ თემაზე და... მთავრ პრიორიტეტად სასამართლოს რეფორმა არ იქცა და სწორედ ამ შეცდომის მსხვერპლნი ვართ, მეც და ჩემი მეგობრებიც.
მე მინდა თავიდან დავიწყო და ბოდიში მოვუხადო ჩემს მშობლებს, რომ მე აღმოვჩნდი უმადური შვილი და ჩემს შვილებს, რომ მე აღმოვჩნდი ეგოისტი მამა. არც ადრე და არც დღეს მე არაფერი არ გავკეთე იმისათვის, რომ ჩემი მშობლებს ჰქონოდათ ტკბილი მოხუცობა და ჩემს შვილებს ჰქონოდათ საშუალება მამასთან ერთად გაზრდილიყვნენ.
დანარჩენ შემთხვევებში მე ვარ ძალიან ბედნიერი, რომ მქონდა ყველაზე უფრო საინტერესო ცხოვრება რაც კი საქართველოში ადამიანს შიძლება ჰქონდეს და მე ვარ ბედნიერი, რომ ვიყავი პირველ რიგებში ამ ბრძოლაში და მე რომ დღეს ვიყო თავისუფალი, ვიქნებოდი უბედური, იმიტომ რომ ჩემი თანამებრძოლები სხედან ციხეებში ან ყოველდღიურად განციდიან ზეწოლას.
რა არის იმაზე უფრო მეტი სანატრელი, რომ მე ვიქნები და ვარ უკვე პატიმარი პუტინის და მისი ოლიგარქის ივანიშვილის", - განაცხადა ვანო მერაბიშვილმა რის შემდეგაც პროტესტის ნიშნად სასამართლო დარბაზი დატოვა.