უკრაინის დროით დილის 08:00 საათისთვის, უმაღლესი რადას ირგვლივ სამართალდამცავი ორგანოების დიდი რაოდენობით თანამშრომელი, მილიციის ავტობუსები და ავტომობილებია მობილიზებული.

პარლამენტთან ასევე იმყოფება ორი წყალმფრქვევი და ჯავშანტრანსპორტიორი, იუწყება „უნიანი“.

მილიციის თანამშრომლები ამ მომენტისთვის, ჯგუფებად დაყოფილები თათბირობენ, ჩაის სვამენ და პარლამენტის ცენტრალური შესასვლელის მოპირდაპირედ კასრებში დანთებულ ცეცხლთან თბებიან.

როგორც ცნობილია, დღეს 10:00 (უკრაინის დროით) საათზე უმაღლესი რადა მუშაობას გააგრძელებს. გუშინ გვიან საღამოს, სახალხო დეპუტატებმა ხმა მისცეს პარლამენტის უწყვეტ რეჟიმში მუშაობას უკრაინაში პოლიტიკური კრიზისის დარეგულირებამდე.