პოლონეთის პრემიერ-მინისტრის დონალდ ტუსკის განცხადებით, უკრაინის პრეზიდენტმა ვიქტორ იანუკოვიჩმა მზადყოფნა გამოთქვა, წელს ვადამდელი არჩევნები ჩაატაროს.

აღნიშნულთან დაკავშირებით დამატებით, ოფიციალური ინფორმაცია არ ვრცელდება.

ცნობისთვის, გუშინ ვიქტორ იანუკოვიჩი კიევში, რამდენიმე საათის განმავლობაში ხვდებოდა გერმანიის, საფრანგეთისა და პოლონეთის საგარეო საქმეთა მინისტრებს. აღნიშნული შეხვედრის დეტალები ამ დრომდე არ გამოქვეყნებულა.