კიევის საპატრიარქოს უკრაინის მართლმადიდებელი ეკლესიის წმინდა სინოდმა 20 თებერვლის დადგენილებით, ღვთისმსახურების დროს მთავრობის ლოცვაში მოხსენიება შეწყვიტა.

პატრიარქის ფილარეტის ხელმძღვანელობით გამართლმა წიმინდა სინოდმა ლიტურგიისას, იმ დროს სადაც ეკლესია უფალს შეავედრებს ხელისუფლებას, აღნიშნული ვედრება შემდეგი ფორმულირებით შეცვალა: "ღვთივდაცული უკრაინა ჩვენი და უკრაინელი ხალხი".

"იმის გათვალისწინებით რომ სახელმწიფო ხელისუფლებამ არ შეისმინა ეკლესიის მრავალგზის მოწოდება, არ გამოეყენებინა ხალხის წინააღმდეგ იარაღი, რომელმაც ის აირჩია საკუთარი თავისა და უკრაინის მსახურებისთვის და არა ძალადობისა და მკვლელობის ჩადენისთვის, 2014 წლის 20 თებერვლიდან შეწყდეს ღვთისმსახურებაზე ხელისუფლების მოხსენიება" - ნათქვამია წმინდა სინოდის დადგენილებაში.