ობამა სირიისა და უკრაინის მოვლენებში, რუსეთის გავლენას მკაცრად აკრიტიკებს

მსოფლიო - 18:02, 20 Feb, 2014

2147

აშშ-ს პრეზიდენტი ბარაკ ობამა სირიისა და უკრაინის მოვლენებში, რუსეთის გავლენას მკაცრად აკრიტიკებს და უკრაინასა და სირიაში თავისუფლების უპატივცემულობაში ვლადიმირ პუტინს ადანაშაულებს.
"ამ სიტუაციაში ერთი ქვეყანა რუსეთის სატელიტ სახელმწიფოს წარმოადგენს, მეორის ხელისუფლებაზე კი რუსეთი გავლენას ახდენს. ამ ქვეყნების მცხოვრებლებს კი თავიანთი ქვეყნების მომავალი სულ სხვანაირად წარმოუდგენიათ.
უკრაინელები და სირიელები აცნობიერებენ თავიანთ თავისუფლებას - ესაა გამოხატვის, შეკრების თავისუფლება; სამართლიანი და თავისუფალი არჩევნები - ეს ის ფუნდამენტური უფლებებია, რომლებიც ყველას სურს ჰქონდეს.
ჩვენ ევროპელ მოკავშირეებთან ერთად გავაგრძელებთ მუშაობას ყველა მხარესთან. იანუკოვიჩსა და უკრაინის მთავრობას ხაზგასმით ვეტყვით, რომ მათი უპირველესი მოვალეობაა იმ საზარელი ძალდობის აღკვეთა, რაც კიევში ვნახეთ. მათ უნდა გაიყვანონ სამართალდამცველები ქუჩებიდან, ითანამშრომლონ ოპოზიციასთან, რომ დაცული იყოს უსაფრთხოება და ადამიანის ღირსება“, - აცხადებს ბარაკ ობამა.
აშშ-ს პრეზიდენტი მიიჩნევს, რომ პუტინს ძირითად თავისუფლებაზე სხვაგვარი ხედვა აქვს,- „ვფიქრობ, ეს საიდუმლო არ არის. ჩვენი მიზანი არ არის განვიხილოთ ეს მოვლენები ცივი ომის ჭადრაკის დაფად, სადაც რუსეთს ვეჯიბრებით. ჩვენი მიზანია, დავრწმუნდეთ, რომ უკრაინელი ხალხი თავად იღებს გადაწყვეტილებებს თავისი მომავლის შესახებ. ჩვენი მიზანია დაგარწმუნოთ, რომ სირიის მოსახლეობას შეუძლია გადაწყვეტილებების მიღება ბომბების გარეშე. ვიმედოვნებ, რომ რუსეთი მიხვდება, აუცილებელია იგივე ღირებულებების და ინტერესების ქონა. ახლა ჩვენ ძალიან ძლიერი უთანხმოებები გვაქვს“, - განაცხადა ობამამ.