ხმაური მერაბიშვილის პროცესზე - თქვენ ჩემთან ერთად ევროპას ასამართლებთ

სამართალი - 17:02, 20 Feb, 2014

2947

თბილისის საქალაქო სასამართლოში 26 მაისის საქმეთან დაკავშირებით, შს ყოფილი მინისტრის ვანო მერაბიშვილის პროცესი, ხმაურის ფონზე მიმდინარეობს.
ლიტველი ექსპერტის ვირგილიუს ვალენცას დაკითხვამ ხმაური მას შემდეგ გამოიწვია, როდესაც ლიტველმა მომწმემ განაცხადა, რომ 2011 წლის 26 მაისის აქციის დაშლა სწორი ტაქტიკით განხორციელდა.
მისი განცხადებით, შსს-მ 26 მაისის აქციაზე სწორი ტაქტიკა გამოიყენა, წინააღმდეგ შემთხვევაში, მომიტინგეთა გადაადგილებას ვერ გააკონტროლებდა. აღნიშნული ჩვენების შემდეგ საქმის პროკურორმა ჯარჯი წიკლაურმა პროცესზე კითხვა გააჟღერა: "თუკი ლიტვაში მომიტინგეთა მშვიდობიანი დაშლა ხდება, რატომ არ შეიძლება მოხდეს ეს საქართველოში?".
აღნიშნული შეკითხვის შემდეგ, ვანო მერაბიშვილმა პროკურორების მისამართით აღნიშნა, რომ პროკურორები მასთან ერთად ევროპულ კანონმდებლობასა და ტაქტიკას ამასამართლებენ.
"ბრალდება ამტკიცებს, რომ ინგლისის, გერმანიის, ბელგიის, ლიტვის კანონმდებლობა არ შეესაბამება ვენეციის კომისიის დასკვნას. ამ შემთხვევაში პროკურორები ევროპის მაგალითს ეწინააღმდეგებიან – თქვენ გააკვირვეთ ევროპა დემოკრატიით. ჩემთან ერთად თქვენ ასამართლებთ ინგლისის, ბელგიისა და სხვა ევროპული ქვეყნების ტატქიკასა და კანონმდებლობას", - აღნიშნა ვანო მერაბიშვილმა.