პარტია „უდარის“ ლიდერმა ძალოვანებსა და სამხედრო მოსამსახურეებს მოუწოდა არ შეასრულონ ხელისუფლების დანაშაულებრივი ბრძანებები.

„მივმარტავ ყველა ძალოვანს: „ბერკუტის“ მებრძოლებსა და სამხედრო მოსამსახურეებს, არ შეასრულოთ დანაშაულებრივი ბრძანებები, დაიცავით ხალხი! არ გაწიოთ წინააღმდეგობა, და ხალხი ცოცხალს გამოგიყვანთ. ეს ძალადობა უნდა შეჩერდეს. და თქვენ შეგიძლიათ ეს გააკეთოთ!“ - განაცხადა კლიჩკომ.

მისი თქმით, „იანუკოვიჩის სკამი არ ღირს ასეთ მსხვერპლად. ასევე თქვენი მხრიდანაც“.

პოლიტიკოსმა აღნიშნა, რომ ყველა ძალოვანი, რომლებიც ხალხის მხარეს გადავა, უსაფრთხოების გარანტიას მიიღებს.

„ახლა პირადი შურისძიების დრო არ არის. ეს ჩვენი ომი არ არის. ეს ხალხის წინააღმდეგ იანუკოვიჩის ომია! და ხალხს ის ვერ აჯობებს“, - დასძინა კლიჩკომ.