რუსთავის #6 საპყრობილეში გვიან ღამემდე ერთ-ერთი მსჯავრდებულის მეუღლე და არასამთავრობო ორგანიზაცია “პატიმრების, ყოფილი პატიმრებისა და პრობაციონერთა ასოციაციის” თავმჯდომარე იმყოფებოდნენ.

როგორც ისინი ამტკიცებდნენ, გლდანის #8 დაწესებულებაში, ადმინისტრაციის ბრძანებით, სპეცრაზმმა 6 მსჯავრდებული სცემა, რის შემდეგაც ისინი რუსთავის #6 დაწესებულებაში გადაიყვანეს.

ერთერთი პატიმრის მეუღლე ციცინო საბაშვილი აღნიშნული ფაქტის გამოძიებას ითხოვს და სახალხო დამცველს მომხდარით დაინტერესებას სთხოვს.

აღნიშნულთან დაკავშირებით კომენტარი სასჯელაღსრულების სამინისტროშიც გაკეთდა. როგორც "ნიუპოსტს" სამინისტროს პრესსამსახურში განუცხადეს, ფიზიკური დაპირისპირება თავად პატიმრებს შორის მოხდა და მომხდართან დაკავშირებით, გამოძიება დაწყებულია.