“დღევანდელი ხელისუფლება ცდილობს სასამართლოზე ზეწოლა მოახდინოს. ამ დევნის პირობებში, რომელიც “ნაციონალური მოძრაობის” წარმომადგენლების მიმართ ხორციელდება, თუ სასამართლო სამართლიანი იქნება, პროცესის განმავლობაში რაც მე ვნახე, სრულ საფუძველს მაძლევს საიმისოდ რომ გამამართლებელ განაჩენს ველოდეთ”,- განაცხადა ზურაბ ჭიაბერაშვილმა.

ბრალდებულების ადვოკატი გიორგი ჩივიაშვილის თქმით, ზურაბ ჭიაბერაშვილისა და ვანო მერაბიშვილისთვის წარდგენილი ბრალდებები უნიჭო სპექტაკლია, ამიტომ სასამართლომ აუცილებლად გამამართლებელი განაჩენი უნდა გამოიტანოს.

“ველოდებით გამამართლებელ განაჩენს იმ მარტივი მიზეზიდან გამომდინარე რომ როგორც საზოგადოებამ, ასევე სასამართლომაც ნახა და დარწმუნდა იმაში რომ ბატონი ჭიაბერაშვილის და ბატონი მერაბიშვილის მიმართ წარდგენილი ბრალდებები არის უბრალოდ დადგმული უნიჭო სპექტაკლი. ამდენი ხნის მანძილზე ჩვენ ვნახეთ თავიდან 3 369 მოწმის შემოთავაზება, შემდეგ ვნახეთ ამ რაოდენობიდან დაკითხული მხოლოდ 170 მოწმე, რომელთაგან ერთსაც კი არ დაუდასტურებია ამ ბატონების მიერ ჩადენილი დანაშაულებრივი ქმედება”,- განაცხადა გიორგი ჩივიაშვილმა.

ე.წ. დასაქმების პროგრამის ეპიზოდზე მერაბიშვილის და ჭიაბერაშვილის საბოლოო განაჩენი დღეს უნდა გამოცხადდეს.