ყაჩაღობის დროს ცივი იარაღით დაჭრილი ქალბატონი ,,ნიუჰოსპიტალის“ კლინიკიდან უკვე გაწერეს.

როგორც ,,ნიუპოსტს“ მორიგე ქირურგმა გოჩა ცერცვაძემ განუცხადა, ჭრილობები ცივი იარაღით არის მიყენებული, ქალბატონს დასერილი ჰქონდა გულმკერდის არე და ქვემო კიდურების წინა ზედაპირი, ,,იყო ზოგი ნაკაწრი კანის ზედაპირული ჭრილობები, სხვა დანარჩენი ფიზიკური დაზიანება არ ყოფილა, როგორც თავად დაზარალებულმა აღნიშნა, ჭრილობები ცივი იარაღით მიაყენეს“, - განაცხადა გოჩა ცერცვაძემ.

სხვა დანარჩდენ დეტალებთან დაკავშირებით, ,,ნიუპოსტის“ ინფორმაციით, დაზარალებული მაია მარსაგიშვილი პოლიციამ უკვე დაკითხა.

რაც შეეხება მცრიეწლოვან ბავშვს, ექიმის თქმით, როგორც სასწრაფო დახმარების ბრიგადამ აღნიშნა, შემთვევის შემდეგ ბავშვი ახლობლებმა წაიყვანეს და სამედიცინო ბრიგადის მისვლის დროს ადგილზე აღარ იმყოფებოდა, ახლობლების განცხადებით, ბავშვს ექიმის მეთვალყურეობა არ დასჭირდა.

ამ დრომდე შს სამინისტროდან ფაქტის დადასტურება ან რაიმე სახის კომენტარი ვერ მივიღეთ.