სამცხე-ჯავახეთის სამხარეო მთავარი სამმართველოს თანამშრომლებმა ბორჯომ-ბაკურიანის სატყეო უბნის თანამშრომლებთან ერთად საგამოძიებო ღონისძიების ჩატარების შედეგად, ხე-ბუჩქნარის უკანონოდ გაჩეხვის ბრალდებით 1988 წელს დაბადებული მამაკაცი დააკავეს.

აღნიშნულმა პიროვნებამ ბორჯომის რაიონში, „ბორჯომი-თორის“ სატყეო უბანში უკანონოდ მოჭრა 9,33 კუბ.მ წიწვოვანი ხე. სამართლადამცველებმა, სატვირთო ავტომობილზე დასატვირთად გამზადებული პირველადი გადამუშავების ხე-მასალა – სხვადასხვა დიამეტრის 7 მორი ნივთმტკიცებად ამოიღეს. გამოძიება ხე-ბუჩქნარის უკანონო გაჩეხვის ფაქტზე მიმდინარეობს (საქართველოს სსკ-ის 303-ე მუხლით). გარემოსთვის მიყენებული ზარალის ოდენობა 1026 ლარს შეადგენს.