ნიკოლოზ მჟავანაძის განცხადებით: ,,სითი პარკის ის ამწე საშუალებები რომლებიც მანქანების საჯარიმოზე გადასაყვანად გამოიყენება არ არის აყვანილი ტექნიკური ზედამხედველობის სამსახურში როგორც ამწეები, არაა შემოწმებული მათი ჰიდრო სისტემები, მზიდი ლითონ კონსტრუქციები და ასაწევი ღვედები. ყოველივე იწვევს იმას რომ მანქანების საჯარიმოზე გადაყვანის პროცეში ადგილი აქვს ავტომობილების არასწორ ტრანსპორტირებას მანქანის ძარაზე აყვანისას რის შედეგადაც ხდება მათი სიჩქარეთა კოლოფის და სავალი ნაწილების დაზიანება.

რაშიც იკვეთება სისხლის სამართლის კოდექსის 188–ე მუხლით (სხვისი ნივთის დაზიანება ან განადგურება გაუფრთხილებლობით) გათვალისწინებული დანაშაულის ნიშნები.

ამასთან ,,სითი პარკის’’ ის თანამშრომლები, რომლებიც ახორციელებენ ავტომობილების აწევასა და ევაკუაციას არ გააჩნიათ სპეციალური მომზადება და არ აქვთ ავტოამწის მემანქანის მოწმობები.

მათი ქმედება ეწინააღმდეგება ,,საქართველოს კანონს ,,პროდუქტის უსაფრთხოებისა და თავისუფალი მიმოქცევის კოდექსის’’ 4–ე თავის 18–ე მუხლის 3–ე პუნქტის ბ ქვეპუნქტის, ასევე 5–ე პუნქტის ო–ქვეპუნქტს. აღნიშნული კანონის თანახმად უნდა ხორციელდებოდეს პერიოდული ინსპექტირება და შემოწმება ამწე მოწყობილობისა რასაც უწყებრივად ახორციელებს ეკონომიკის სამინისტროში არსებული ,,ტექნიკური ზედამხედველობის სამსახური’’. თუმცაღა ,,სითი პარკის’’ ავტომობილები ამგვარ ინსპექტირებასა და შემოწმებას არ გადიან. რითაც დედაქალაქის მოსახლეობა ზარალდება’’.

,,უფლებადამცველთა გაერთიანება’’ მოუწოდებს მთავარ პროკურატურას მაქსიმალურად შემჭიდროვებულ ვადებში დაიწყოს გამოძიება ,,სითი პარკის’’ წინააღმდეგ.