სასჯელაღსრულების მინისტრი სოზარ სუბარი არ გამორიცხავს, რომ გეგუთის ციხეში მორიგი საპროტესტო ტალღა აგორდეს.

მინისტრის ვარაუდით, ამჯერად მსჯავრდებულები პროტესტის მიზეზად მედიკამენტისა და საკვების პრობლემას დაასახელებენ.

„რამდენიმე კვირის წინ გვქონდა ინფორმაცია, რომ აპირებდნენ საპროტესტო ტალღის აგორებას, ეხლაც გვაქვს ეს ინფორმაცია. სავარაუდოდ აქცენტი გაკეთდება საკვებზე, მედიკამენდეტზე, სოციალურ პრობლემებზე. თუმცა შემიძლია თამამად ვთქვა, რომ არც ერ საბჭოთა კავშირის დროს, არც მერე სასჯელაღსრუელბის დაწესებულებაში არ ყოფილა ისეთი კვება, როგორიც დღეს არის, “ - განაცხადა სოზარ სუბარმა.

მინისტრი, საჭიროების შემთხვევაში, ძალის გამოყენებას არ გამორიცხავს.

პატიმრების მხრიდან განმეორებით პროტესტს არ გამორიცხავს სახალხო დამცველიც.

უჩა ნანუაშვილის განცხადებით, ომბუდსმენის აპარატი გეგუთში მიმდინარე პრიცესებს სისტემატურად დააკვირდება და მსჯავრდებულების პრობლემებს შეისწავლის.