პოპულარული სერიალის „ჩემი ცოლის დაქალების“ მეხუთე სეზონი ეთერში 1-2 მარტიდან გავა.

როგორც სერიალის პროდიუსერმა ირაკლი საღინაძემ ტელეკომპანია „რუსთავი 2“ -ის ეთერში განაცხადა, ჯერჯერობით არ არის გარკვეული იქნება თუ არა მეხუთე სეზონი სერიალის დასკვნითი ნაწილი.

მისი თქმით, მარტიდან „ჩემი ცოლის დაქალების“ მაყურებელს ბევრი სიურპრიზი ელოდება.

„ამ სეზონში იქნება როგორც აღმაშფოთებელი, ისე აღმაფრთოვანებელი სიახლეები. მოულოდნელობის თვალსაზრისით ეს სეზონი ყველა წინა სეზონს აჯობებს. ემატება ახალი პრესონაჟებიც. ერთი სიტყვით ამ სერიალის მიმდინარეობისას დედა შვილს არ აიყვანს ხელში,“ - აცხადებს საღინაძე.