ქუთაისის საქალაქო სასამართლო უმცირესობის წევრის წევრის გიორგი ვაშაძის იმ განცხადებას ეხმაურება, რომლის მიხედვით სასამართლოს მიერ ხონის რაიონის გამგებლის და მისი მოადგილის აღმკვეთ ღონისძიებად წინასწარი პატიმრობის შეფარდების ფაქტი "ნაციონალური მოძრაობის" წინააღმდეგ მიმართული კამპანიად შეფასდა.

ამასთან დაკავშირებით ქუთაისის სასამართლო განცხადებას ავცრელებს.

სასამართლო აცხადებს, რომ მსგავსი შეფასება, სასამართლოს გადაწყვეტილების გაცნობის გარეშე და საზოგადოებისთვის მხოლოდ ზედაპირული ფაქტების მიწოდება აზიანებს მართლმსაჯულების იმიჯს.

"საპარლამენტო ოპოზიციის ერთ-ერთმა ლიდერმა გიორგი ვაშაძემ სასამართლოს აღნიშნული გადაწყვეტილება შეაფასა, როგორც ადგილობრივი თვითმართველობის მოახლოებული არჩევნების წინ "ნაციონალური მოძრაობის" წინააღმდეგ მიმართული კამპანია და პოლიტიკური ანგარიშსწორება.

სასამართლო აცხადებს, რომ მსგავსი შეფასება, სასამართლოს გადაწყვეტილების გაცნობის გარეშე და საზოგადოებისთვის მხოლოდ ზედაპირული ფაქტების მიწოდება აზიანებს მართლმსაჯულების იმიჯს, რომელიც ერთნაირად მნიშვნელოვანი უნდა იყოს ყველა პოლიტიკური ძალის წარმომადგენლებისთვის, როგორც ხელისუფლების, ისე ოპოზიციის მხრიდან. მით უმეტეს, როცა სასამართლოს აღნიშნული გადაწყვეტილება ზემდგომ ინსტანციაში შეიძლება გასაჩივრდეს.

ქართულ საზოგადოებას დღეს სასამართლო გადაწყვეტილებების "პოლიტიკურ ჭრილში" განხილვის ნაცვლად, გააზრებული და სამართლებრივად ზუსტი ინფორმაცია სჭირდება, რასაც მათ საზოგადოების ინტერესებზე ორიენტირებული პოლიტიკური პარტიები და არასამთავრობო ორგანიზაციები უნდა აწვდიდნენ", - ნათქვამია ქუთაისის საქალაქო სასამართლოს განცხადებაში განცხადებაში.

"ნაციონალური მოძრაობის" წევრმა გიორგი ვაშაძემ ქუთაისის საქალაქო სსამართლოს მოსამართლეები ხელისუფლების დაკვეთის შესრულებაში დაადანაშაულა. მისი თქმით, ხონის გამგებლის და მისი მოადგილის მიმართ აღმკვეთ ღონისძიებად პატიმრობის შეფარდება „ნაციონალური მოძრაობის“ წინააღმდეგ მიმართულ კამპანიად შეაფასა.