გარდაცვლილის მეუღლე ქმრის დაღუპვას ექიმების დაგვიანებით მისვლას უკავშირებს. „სასწრაფო დახმარება, რომ დროულად მოსულიყო ახლა ჩემი მეუღლე ჩემს გვერდით იქნებოდა. ლუკმა გადასცდა მე ყვირილი ავტეხე და მეზობლებიც შემოცვივდნენ, მათ გამოიძახეს სასწრაფო, თუმცა დაიგვიანეს და მოსვლასაც აზრი აღარ ჰქონდა,“ - ამბობს „ნიუპოსტთან“ საუბრისას გარდაცვლილის მეუღლე.

აღნიშნულთან დაკავშირებით კომენტარი გააკეთეს გორის სასწრაფო დახმარების ცენტრში.

მათი თქმით, სასწრაფო დახმარების ბრიგადამ ყველაფერი გაკეთა, თუმცა პაციენტის გადარჩენა ვერ მოხერხდა.

„სასწრაფო დახმარების ბრიგადა გამოძახებიდან 6 წუთში მივიდა თუმცა პაციენტის გადარჩენა ვერ მოხერხდა. ექიმებს რაც შეეძლოთ ყველაფერი გააკეთეს, როდესაც პაციენტი სასწრაფოს იძახებს 112 უკავშირდება, შემდგომ კი გადმომისამართება ხდება. ჩვენთან როდესაც მოვიდა ინფორმაცია, რომ უნდა გავსულიყავით ზუსტად 6 წუთში მივიდნენ, “ - ამბობს გორის სასწრაფო სამედიცინო დახმარების ხელმძღვანელი თემურ თანიავილი. გარდაცვლილის ნათესავები კი აცხადებენ, რომ სასწრაფო გამოძახებიდან ადგილზე 15 წუთში მივიდა.

გიორგი ახალკაცი „ნიუპოსტი“ გორი