შსს-ს ექს-მინისტრის ვანო მერაბიშვილის სასამართლო პროცესი აქციის ფონე მიმდინარეობს. თბილისის საქალაქო სასამართლოსთან 2011 წლის 26 მაისის აქციის მონაწილეები იმყოფებიან. ასევე სასამართლოსთან იმყოფებიან რამდენიმე არასამთავრობო ორგანიზაციის წარმომადგენლები. მათ პლაკატები აქვთ გაშლილი, წარწერით „ორი გვამი მინდა“ და „26 მაისი გვახსოვს!!!".

აქციის მონაწილეთა მოთხოვნაა დაისაჯოს ყოფილი პრემიერი ვანო მერაბიშვილი და მასთან ერთად გასამართლდნენ ყოფილი მაღალჩინოსნები. აქციას სამართალდამცველები არეგულირებენ და მანდატურის სამსახურის წარმომადგენლები.

26 მაისის საქმის განხილვა გრძელდება. თუმცა, პროცესი ვანო მერაბიშვილის დასწრების გარეშე მიმდინარეობს.

ბრალდების მხარემ უკვე დაასრულა მოწმეების დაკითხვა. დღეიდან პროკურატურა წერილობითი მტკიცებულებების გამოკვლევას იწყებს.