8 თებერვალს, გვიან ღამით, გორის შს სამმართველოს თანამშრომელს ლაშა ქირიას დანა კისრის არეში ჩაარტყეს.

ინფორმაციას ამის შესახებ შიდა ქართლის საინფორმაციო ცენტრი Qartli.ge ავრცელებს.

საქმეს გორის პროკურატურა იძიებს. გამოძიება უკვე დაწყებულია 353 მუხლის მეორე ნაწილით, რაც პოლიციელის მიმართ ძალადობას და მუქარას გულისხმობს.

როგორც პროკურორ ია მეფარიშვილი აცხადებს, დანა ყურთან ახლოსაა ჩარტყმული, რამაც შესაძლოა სმენის დაკარგვა გამოიწვიოს.

ეჭვმიტანილი 18 წლის ნიკოლოზ გ-ს, რომელიც9 თებერვალს დააკავეს, აღკვეთი ღონისძიების სახით წინასწარი პატიმრობა შეუფარდეს.

ინციდენტი გორში რეტორანში (“მზიური”) მოხდა. პოლიციელის გამოჩენამდე ჩხუბი ნასვამ ახალგაზრდებს შორის მოხდა. პოლიციელი ქირია კი მათ გაშველებას შეუდგა.