,,უფლებადამცველთა გართიანება’’ ,,სითი პარკს’ ავტომობილების საჯარიმოზე კანონდარღვევით გადაყვანასა და ტექნიკური ზედამხედველობის ნორმების დარღვევაში ადანაშაულებს. აღნიშნულთან დაკავშირებით ,,უფლებადამცველთა გაერთიანების’’ თავჯდომარე ნიკოლოზ მჟავანაძემ და ტექნიკურმა ექსპერტმა გიორგი ნიკოლაიშვილმა პრესკონფერენცია გამართეს.

ტექნიკურ ექსპერტ გიორგი ნიკოლაიშვილის განცხადებით: ,,სითი პარკის’’ ის ამწე საშუალებები რომლებიც მანქანების საჯარიმოზე გადასაყვანად გამოიყენება არ არის აყვანილი ტექნიკური ზედამხედველობის სამსახურში როგორც ამწეები, არაა შემოწმებული მათი ჰიდრო სისტემები, მზიდი ლითონ კონსტრუქციები და ასაწევი ღვედები. ყოველივე იწვევს იმას რომ მანქანების საჯარიმოზე გადაყვანის პროცეში ადგილი აქვს ავტომობილების არასწორ ტრანსპორტირებას მანქანის ძარაზე აყვანისას რის შედეგადაც ხდება მათი სიჩქარეთა კოლოფის და სავალი ნაწილების დაზიანება. ამასთან ,,სითი პარკის’’ ის თანამშრომლები, რომლებიც ახორციელებენ ავტომობილების აწევასა და ევაკუაციას არ გააჩნიათ სპეციალური მომზადება და არ აქვთ ავტოამწის მემანქანის მოწმობები.

,,უფლებადამცველთა გაერთიანების’’ თავჯდომარე ნიკოლოზ მჟავანაძის აზრით: ,,საქართველოს კანონით ,,პროდუქტის უსაფრთხოებისა და თავისუფალი მიმოქცევის კოდექსის’’ 4–ე თავის 18–ე მუხლის 3–ე პუნქტის ბ ქვეპუნქტის, ასევე 5–ე პუნქტის ო–ქვეპუნქტის თანახმად უნდა ხორციელდებოდეს პერიოდული ინსპექტირება და შემოწმება ამწე მოწყობილობისა რასაც უწყებრივად ახორციელებს ეკონომიკის სამინისტროში არსებული ,,ტექნიკური ზედამხედველობის სამსახური’’. თუმცაღა ,,სითი პარკის’’ ავტომობილები ამგვარ ინსპექტირებასა და შემოწმებას არ გადიან.’’

,,უფლებადამცველთა გაერთიანება’’ მოუწოდებს ეკონომიკის სამინისტროს შეამოწმოს ,,სითი პარკის’’ ის ამწე მანიპულატორები რომელთა მეშვეობითაც ხორციელდება ავტომობილების საჯარიმოზე გადაყვანა რათა არ მოხდეს ავტომობილების დაზიანება მათი საჯარიმოზე გადაყვანის დროს.