ბაგატოლსკის ქალაქის საავადმყოფოს ქირურგი, რომელმაც პაციენტს კუჭის ოპერაცია ჩაუტარა, 15 წლით ციხეში ჯდომა მოუწევს. მის წინააღმდეგ უკვე აღძრულია სისხლის სამართლის საქმე ორი მუხლით - ექიმი ბრალდებულია დიდი ოდენობით ნარკოტიკული ნივთიერების უკანონო შენახვასა და გატაცებაში.

აგრეთვე მის დანაშაულს ამძმებს ის ფაქტი, რომ მან პაციენტის კუჭიდან ამოღებული ჰეროინი ოპერაციის მიმდინარეობის დროს ადგილზე გაიკეთა და ფაქტობრივად, შესაძლებელი იყო, პაციენტისთვის ზიანი მიეყენებინა, ვინაიდან ის ოპერაციას ატარებდა ნარკოტიკების ზემოქმედების ქვეშ.

ქირურგი დაკავებულ იქნა ოპერაციის მიმდინარეობის დროს.

სკანდალი გამოიწვია იმან, რომ კრასნოიარსკის ოლქის სავადმყოფოში მიყვანილ იქნა პაციენტი, რომელიც ეჭვმიტანილი იყო ნარკო დანაშაულში, კერძოდ, ნარკოტიკების გადაზიდვაში.

ნარკოკურიერი საკუთარი სხეულით ეზიდებოდა ჰეროინს. მას სასწრაფოდ დასჭირდა სამედიცინო დახმარება, რის შედეგადაც მისი კუჭიდან ამოღებული იქნა დიდი ოდენობით ნარკოტიკული ნივთიერება ჰეროინის პაკეტები.

მიუხედავად იმისა, რომ ქირურგმა მილიციის თანამშრომლებს გადასცა კუჭიდან ამოღებული ჰეროინის პაკეტები, ცოტა ხნის შემდეგ გაირკვა, რომ ნაწილი ნარკოტიკისა დაკარგულია.

ჩხრეკის დროს ექიმს თეთრ ხალათში აღმოუჩინეს პაციენტ ნარკოკურიერის კუჭიდან ამოღებული 5 გრამი ჰეროინი და აგრეთვე, შემოწმების შედეგად დადასტურდა, რომ ქირურგი იმყოფებოდა ნარკოტიკული ზემოქმედების ქვეშ.