ბრიტანელი ქირურგი ჩამოაშორეს სამედიცინო საქმიანობას და დაადანაშაულეს პაზციენტის დაცინვაში.

48 წლის ქირურგი საიმონ ბრემჰოლი ეჭვმიტანილია იმაში, რომ თავისი ინიციალები ამოტვიფრა ავადმყოფის თირკმელზე, - ამის შესახებ წერს The Daily Telegraph-ი.

არსებული ინფორმაციის თანახმად, ქირურგმა ,,თავისი ავტოგრაფი“ ,,SB“ პაციენტის თირკმელზე დატოვა ტრანსპლანტაციის დროს. ინიციალები - ,,SB“ - გადანერგილ ორგანოებზე აღმოაჩინეს ბრემჰოლის კოლეგებმა სხვა ოპერაციის დროს იმავე პაციენტზე.

ვრცელდება ინფორმაცია რომ ბრემჰოლმა თავისი ინიციალების ასოები ამოწვა გადანერგილ ორგანოზე არგონის გაზის მეშვეობით, რომელიც ხშირად გამოიყენება ქირურგიაში.

ამ ფაქტთან დაკავშირებით, დაწყებულია შიდა გამოძიება, რომლის მიმდინარეობის განმავლობაში ეჭვმიტანილი ჩამოშორებულია სამედიცინო საქმიანობას.

არსებობს ეჭვი, რომ ანალოგიური ავტოგრაფები ბრემჰოლს შესაძლოა დაეტოვებია ასობით სხვა პაციენტის ორგანოზე, რამდენადაც ქირურგი უკვე ათეული წლებია მუშაობს დედოფალ ელიზაბეტის სახელობის კლინიკაში ბირმინგემში.

The Daily Telegraph-ის წყარომ, რომელიც მოცემული კლინიკის პერსონალიდანაა, გამოხატავს დიდ გაკვირვებას იმის გამო, რომ ასეთი გამოცდილი ექიმი, როგორიც ბრემჰოლია, ასეთი ქმედების ჩამდენი აღმოჩნდა:

,,მე იმედი მაქვს, რომ ეს ყველაფერი შეცდომაა. მე არ ვიცი რა უნდა სჭირდეს ადამიანს, რომ ასეთი საქციელი ჩაიდინოს. ვის აქვს უფლება, ასე დასცინოს სხვა პიროვნებას“.

ჟურნალისტები თვით ბრემჰოლს დაუკავშირდნენ. მან უარყო მოცემული ფაქტი და უფრო მეტი კომენტარისგან თავი შეიკავა.