ცნობილმა რეჟისორმა ვუდი ალენმა New York Times-ში გამოქვეყნებულ წერილში მის წინააღმდეგ წაყენებული ბრალდებები კიდევ ერთხელ უარყო.

გასულ კვირას ვუდი ალენის შვილობილმა დილან ფეროუმ რეჟისორი სექსუალურ ძალადობაში დაადანაშაულა, მისი თქმით, იგი სექსუალური ძალადობის მსხვერპლი 7 წლის ასაკში გახდა.

ვუდი ალენი ბრალდებებს მისი ყოფილი პარტნიორი ქალის მია ფეროუს მიერ დაგეგმილ შურისძიებად აფასებს და აცხადებს, რომ დილანი მის წინააღმდეგ დედამ განაწყო.

რეჟისორის განცხადებით, მია ფეროუმ შურისძიება მაშინ დაგეგმა, რაც მასსა და მია ფეროუს კიდევ ერთი შვილობილ სუნ-ი პრევინს შორის არსებული სასიყვარულო ურთიერთობის შესახებ შეიტყო.

ვუდი ალენი და სუნ-ი პრევინი 1997 წელს დაქორწინდნენ.