ზუგდიდის რაიონის სოფელ ტყაიაშში "ბეემვეს" ტიპის ავტომანქანიდან სამართალდამცველებმა დიდი რაოდენობის საბრძოლო მასალა ამოიღეს. გავრცელებული ინფორმაციით, გადაჭარბებული სისწრაფით მოძრავი ავტომანქანა ოკუპირებული ტერიტორიისკენ გადაადგილდებოდა, მძღოლი პოლიციას არ დაემორჩილა და ხეს შეეჯახა.

ტყაიშის გამგებლის განცხადებთ, მანქანაში მყოფი ორი პირი გაიქცა და თავი ოკუპირებულ აფხაზეთს შეაფარა. შემთხვევის ადგილი ახლოსაა ოკუპირებულ სოფელ საბერიოსთან.

მანქანიდან ამოღებულია საბრძოლო იარაღები და ხელყუმბარები. ადგილზე კრიმინალისტები მუშაობენ. მიმდინარეობს გამოძიება.

როგორც "ნიუპოსტს" შსს-ში განუცხადეს, აღნიშნულთან დაკავშირებით ინფორმაციას შინაგან საქმეთა სამინისტრო მოგვიანებით გაავრცელებს.