საბურთალოს რაიონის გამგებელი გია ხუროშვილი მოსახლეობას აფრთხილებს, რომ გამგეობის სახელით უცხო პირები საზოგადოებას ცალკეული სამუშაოების წარმოებას სთავაზობენ.

ხუროშვილი მოუწოდებს მოსახლეობას ყურადღება გამოიჩინონ და გამგებლის სახელით მისულ პირებს არ ენდონ.

„თხოვნით, რომ განსაკუთრებული ყურადღება გამოიჩინოთ და არ ენდოთ იმ ადამიანებს, რომლებიც გამგეობის სახელით გთავაზობენ ცალკეული სამუშაოების წარმოებას და შეთავაზებასაც პირადად ჩემი ან გამგეობის სახელით გიკეთებენ.

გთხოვთ მსგავსი შემთხვევების გამოვლინების შემთხვევაში დაუყოვნებლივ დარეკოთ გამგეობაში 2374219 ან მიმართოთ სამართალდამცავ ორგანოებს.

დავასრულოთ იაფფასიანი პროვოკაციები და აღვკვეთოთ პროვოკატორთა დანაშაულებრივი ქმედება!!!“ - ნათქვამია გია ხუროშვილის მიერ გავრცელებულ განცხადებაში.