ედინბურგის უნივერსიტეტის მკვლევარებმა ჩაატარეს ექსპერიმენტი, რომელმაც აჩვენა, რომ სოციალური ქსელებით სარგებლობა, ნეგატიურად მოქმედებს ადამიანების კრიტიკულად აზროვნებისა და გადაწყვეტილების დამოუკიდებლად მიღების უნარზე.

კვლევის მსვლელობისას, რომელიც მოხალისეების მიერ მათემატიკური ამოცანების დამოუკიდებლად და ჯგუფურად ამოხსნის უნარის შესწავლაში მდგომარეობდა, მეცნიერები მივიდნენ დასკვნამდე, რომ ცდის მონაწილეებს შეეძლოთ დაფიქრებულიყვნენ საკუთარი გადაწყვეტილების სისწორეზე, თუ ფიქრისას მარტო იმყოფებოდნენ. ამასთან, როდესაც დავალებას აძლევდნენ ცდის მონაწილეთა ჯგუფს, რომელთა შორის იმყოფებოდა პირველი დავალების სწორად ამომხსნელი ადამიანი, მაშინ ყველა დანარჩენი წყვეტდა მაგალითებზე ფიქრს და პირობითი ლიდერის პასუხებს აკოპირებდა.

ამ ექსპერიმენტმა აჩვენა, რომ საიტები, რომლებზეც სხვადასხვა ინფორმაციის დიდი ნაკადია, მაგალითად ფეისბუკი და ტვიტერი, ქმნიან თავის „ჭკუის კოლოფებს“, რომლებსაც დანარჩენი მომხმარებლები განსაკუთრებული საფუძვლის გარეშე ენდობიან.

„ჩვენ ვთვლით, რომ ადამიანები არ არიან აზროვნებისკენ მიმართული, რადგანაც ამას დრო და ძალისხმევა სჭირდება, თანამედროვე სამყაროში კი ისინი ძალიან ძვირად ფასობენ იმისათვის, რომ ნებისმიერი უმნიშვნელო ინფორმაციის შესამოწმებლად დახარჯო“, - განაცხადა ექსპერიმენტის ხელმძღვანელმა, დოქტორმა აიად რახვანმა.

კვლევებმა ასევე აჩვენა, რომ ინფორმაციისათვის ინტერნეტ-საძიებლების მუდმივი მიმართვა, ქსელის მომხმარებელთა მეხსიერებას აქვეითებს, რადგან ისინი ვეღარ ხედავენ აუცილებლობას დაიმახსოვრონ ცნობები, რომლების მიღებაც ნებისმიერ მომენტში ადვილადაა შესაძლებელი.