კომპანია "სერპანტინში“ პრემიერ-მინისტრი ირაკლი ღარიბაშვილის სიმამრთან, თამაზ თამაზაშვილთან რაიმე სახის კონტაქტს კატეგორიულად უარყოფენ. როგორც საწარმოში აცხადებენ, თამარ ჯანყარაშვილი ნამდილად არის შინაგან საქმეთა სამინისტროს პირველი მოადგილის დედა, თუმცა თამაზ თამაზაშვილის დისშვილთან, ზვიად ჯანყარაშვილთან მას არანაირი კავშირი არ აქვს და მას არც კი იცნობს.

რაც შეეხება მოგებულ ტენდერებს, "სერპანტინში“ ამბობენ, რომ ისინი საგზაო სამუშაოს წლებია წარმატებით ახორციელებენ.

„შინაგან საქმეთა მინისტრის პირველი მოადგილის გიორგი ზედელაშვილის დედა თამარ ჯანყარაშვილი ნამდვილად არის კომპანიის 51%-ის მფლობელი. თამარ ჯანყარაშვილის და ზვიად ჯანყარაშვილის ნათესაური ურთიეთობა საიდან მოიტანეს არ ვიცი. ალბათ იმიტომ, რომ გვარი ემთხვევა ერთმანეთს, “ - განაცხადა ზურა ფეიქრიშვილმა "სერპანტინის“ დირექტორმა.

„ნაციონალურმა მოძრაობამ“ დღეს დასურათებული სქემა წარმოადგინა და პრემიერის ოჯახი და თამაზ თამაზაშვილი კორუფციასა და აღნიშნულ ბიზნესთან კავშირში დაადანაშაულა.