გორში გურამიშვილის ქუჩის მაცხოვრებლები "ნიუპოსტთან" ძველი ბაზრის ტერიტორიაზე არსებულ ანტისანიტარიაზე საუბრობენ და ამბობენ, რომ მას შემდეგ რაც ბაზარი წმინდაწყლის დასახლებაში გადაიტანეს, სავაჭრო ცენტრის ადგილას ანტისანიტარია მძვინვარებს, რის შედეგადაც მღრღნელები მომრავლდნენ. მათივე თქმით, გაუსაძლისი გახდა მათი ცხოვრება. "მთელი კორპუსი შეწუხებულები ვართ, ვირთხები უტორმუზოდ დარბიან სადარბაზოებში, არავინ ჩვენი პატრონი არ არის. რაც ეს ბაზარი გადაიტანეს ალბათ ვირთხებს საკვები გამოელიათ და ახლა ხალხს შემოგვესივნენ", - ამბობს გორის მკვიდრი იამზე ჭამპურიძე.