„ახალგაზრდა იურისტთა ასოციაცია“ ყოფილი პრემიერის მიერ დაარსებული არასამთავრობო ორგანიზაციის პრეზენტაციას გამოეხმაურა.

„საია“-ში პირველი კითხვა იმასთან დაკავშირებით უჩნდება, თუ რამდენად გააკრიტიკებს მთავრობას ახლად დაარსებული ორგანიზაცია, მაშინ როდესაც ამ ორგანიზაციას სათავეში უდგას ადამიანი, რომელიც ჯერ კიდევ რამდენიმე თვის წინ პრემიერი იყო.

„საია“- ს თავჯდომარისთვის გაუგებარია, რატომ აირჩია ყოფილი პრემიერის არასამთავრობომ სამუშაო სფეროდ ეკონომიკა და მედია.

„ჩემთვის NGO-ს ხიბლი სწორედ ეს არის, რომ მთავარი საკრიტიკო ობიექტი იყოს ხელისუფლება, რადგან დაეხმაროს მას, რომ მოგვარდეს ის პრობლემები რაც ჩვენი აზრით დგას ადამიანის უფლებების მხრივ. მოკლეთ, NGO მისი საქმიანობიდან გამომდინარე უნდა შეფასდეს. დაველოდოთ „მოქალაქის“ საქმიანობას“, - განაცხადა „საიას“ თავჯდომარემ კახა კოჟორიძემ.