სომხეთის სამთო-სათხილამურო კურორტ წაღკაძორში დაღუპული "არმენტელის" კომერციული დირექტორი არჩილ მაღრაძე სავარაუდოდ სხეულის გადაციებით გარდაიცვალა.
„ნიუპოსტი“ დეტალების გასარკვევად სომხეთში საქართველოს ელჩს თენგიზ შარმანაშვილს დაუკავშირდა.
მისი განმარტებით, მაღრაძე სამთხო-სათხილამურო კურორტ წაღკაძორში სნოუბორდით სრიალებდა, რა დროსაც ის ხევში გადავარდა. ამ დროის მონაცემებით, მისი გარდაცვალება სხეულის გაყინვამ გამოიწვია. შარმანაშვილის თქმით, მიმდინარეობს საგამოძიებო ექსპერტიზა, რის შემდეგაც ყველა დეტალი იქნება ცნობილი.
გარდაცვლილი მაღრაძე, სომხეთის სამაშველო სამსახურმა სამთხო-სათხილამურო კურორტ წაღკაძორში საბაგირო გზის მესამე სადგურთან იპოვეს. ასევე ნაპოვნია არჩილ მაღრაძის კუთვნილი მანქანა „ჰიუნდაი“. სამართალდამცველების ინფორმაციით, მას სხეულის დაზიანება არ აღენიშნება, ასევე დაზინების გარეშეა მისი კუთვნილის ავტომაქნანაც.
არჩილ მაღრაძე "არმენტელის" კომერციული დირექტორის პოსტს 2013 წლის ივლისიდან იკავებდა. მაღრაძეს ცოლი და 4 შვილი დარჩა.
მასალის გამოყენების პირობები






