შსს ექს-მინისტრმა ვანო მერაბიშვილმა „დემოკრატიული მოძრაობის“ ლიდერს ნინო ბურჯანაძეს ობიექტური ჩვენებისთვის მადლობა გადაუხადა.

„ყველამ გავიგეთ, რა მიზანი ამოძრავებდა და როგორ მიმდინარეობდა მიტინგი. მისი ჩვენება კარგად გამოადგება დაცვას", - განაცხადა ვანო მერაბიშვილმა და ნინო ბურჯანაძეს 2007 წლის 7 ნოემბრის აქციის დაშლის დეტალები შეახსენა.

"მინდა ქალბატონ ნინოს უთხრა, რომ 2007 წლის აქციის დაშლის ინიციატორი ბადრი ბიწაძე იყო", - აღნიშნა მერაბიშვილმა, რაზეც ბურჯანაძემ კომენტარის გაკეთება არ ისურვა.

თბილისის საქალაქო სასამართლოში დღეს 26 მაისის აქციის საქმის განხილვა მიმდინარეობდა, სადაც „დემოკრატიული მოძრაობის“ ლიდერის ნინო ბურჯანაძის დაკითხვა მოხდა.