თბილისის საკრებულოს თავმჯდომარის მოადგილე "ყაზტრანსგაზის" ხელმძღვანელობას საკრებულოში იბარეს.

გიორგი მუსხელიშვილის თქმით, ბოლო ერთი კვირის განმავლობაში მას ათობით ადამიანმა მიმართა და ბუნებრივი აირის გადასახადის გამო დახმარება სთხოვა.

დეპუტატი გაუგებარს უწოდებს კომპანიის მიერ გავრცელებულ განცხადებას და დეტალების გასარკვევას „ყაზტრანსგაზის“ წარმომადგენლობას საკრებულოში იბარებს .

„მინდა, რომ დავიბარო „ყაზტრანსგაზის“ ხელმძღვანელობა ხვალ საკრებულოში, იმედია საათზე შევთანმხდებით. შესაბამის კომისიებთან ერთად მათ წარმოადგინონ მტკიცებულება იმისა, რითაც ისინი გაორმაგებული თანხის გამო იმართლებდნენ თავს“ - განაცხადა მუსხელიშვილმა.

გიორგი მუსხელიშვილმა აღნიშნა, რომ შპს "ყაზტრანსგაზთბილისს" ოფიციალურ წერილს დღეს პრესკონფერენციის შემდეგ გაუგზავნის.