განათლების სამინისტრომ არ იცის რა მდგომარეობაა უამინდობის გამო საჯარო სკოლებში. მშობლები დახმარებას მედიას თხოვენ.

რამდენიმე საჯარო სკოლამ სწავლის პროცესი შეაჩერა და ამის შესახებ, რატომღაც განათლების სამინისტროში არაფერი იციან. „ნიუპოსტს“ 23-ე და 30-ე საშუალო სკოლების მშობლებმა შეატყობინეს, რომ სკოლაში მისულ ბავშვებს სახლში დაბრუნება მოუხდათ. მშობლების განმარტებით, სასწავლო პროცესი ჩაიშალა გათბობის არარსებობის გამო.

23-ე საშაულო სკოლის დარაჯმა, რომელმაც ვერ შეძლო ჩვენი დაკავშირება სხვა პირთან, გათბობის პრობლემის თაობაზე გავრცელებული ინფორმაცია დაადასტურა. რაც შეეხება განათლების სამინისტროს, უწყების პრესსამსახურში დარწმუნებულები არიან რომ მცირედი შეფერხების მიუხედავად სასწავლო პროცესი არცერთ სკოლაში არ ჩაშლილა.