მედიაში გავრცელდა ინფორმაცია იმის შესახებ, რომ უამინდობის გამო დედაქალაქში ტაქსის ტარიფმა 2 ლარით მოიმატა.

აღნიშნულთან დაკავშირებით ,,ნიუპოსტი“ შეეცადა ინფორმაციის გადამოწმებას ტაქსის გამოძახების კომპანიებთან. დაახლოებით, 5-მდე სერვის-ცენტრი უარყოფს ტარიფის მატებას და აღნიშნავენ, რომ უამინდობის მიუხედავად, მსგავს ფაქტს ადგილი არ ჰქონია და მათი სერვისი ჩვეულ რიჟიმში მუშაობს. ,,რა მნიშვნელობა აქვს ტარიფის მომატებას, თუკი ავტომანქანა თოვლისა და ყინვის გამო ისედაც ვერ მივა დანიშნულების ადგილას“, - განუცხადეს ,,ნიუპოსტს“. მხოლოდ ერთ-ერთ სერვის ცენტრში განაცხადეს, რომ ამინდის გაუარესებასთან დაკავშირებით ტარიფმა მოიმატა და ისიც არა 2, არამედ 1 ლარით.