თამარ ჩერგოლეიშვილი ავარიაში მოყვა

საზოგადოება - 14:38, 01 Feb, 2014

4663

"ტაბულას" დირექტორი თამარ ჩერგოლეიშვილი ავარიაში მოყვა. ამის შესახებ სოციალურ ქსელში თავად ჩერგოლეიშვილი წერს. "ვმოძრაობდი თამარაშვილზე, ყაზბეგის ქუჩის მიმართულებით, უნივერსიტეტის ქუჩის კვეთასთან ავტეხე სიგარეტის ძებნა ჩანთაში, თან გეგმებს ვაწყობდი, გვიან შევამჩნიე, რომ წინ მანქანა იდგა, მუხრუჭს მოვერიდე თოვლის გამო, მაგრამ საჭის აღება ვერ მოვასწარი და ბორბალზე დავარტყი პატიოსნად გაჩერებულ RAV 4-ს.
მაინც სასიამოვნო დღე აღმოჩნდა - RAV 4-ის მძღოლი და მგზავრი კარგი ხალხია. უფულობის დედა ვატირე, თორემ თქვენ არ შეგაწუხებდითო, გგულშემატკივრობთო.
პატრულიც კარგი ხალხი იყო, გავერთეთ - დავწერე ახსნა განმარტება, წარმატებით ჩავაბარე ალკოჰოლის ტესტი - 0.000 დამწერა, პატრული მეუბნებოდა, 0.300 გეპატიებაო. მე ვუხსნიდი, რომ დილით შამპანურს ან არისტოკრატები სვამენ ან დეგენერატები, მე არც ერთი ვარ, არც მეორე მეთქი.
ამასობაში მოვიდა მშვენიერი GPI, ჩემი დაზღვევა, რომელმაც ძალიან მარტივად გადაწყვიტა ყველაფერი, იმის გამო, რომ ორივე მანქანას ბორბალი დაუზიანდა, გამოიძახეს ევაკუატორები და გააქანეს ორივე მანქანა იქ, სადაც საჭიროა - შესაფასებლად და შესაკეთებლად. ჩემი და დაზარალებულის მანქანის შეკეთების ხარჯებს ჩემი დაზღვევა გადაიხდის. GPI Ruls! მისი თანამშრომელი ბაქარი კი უბრალოდ ოქროა!
ყველაზე სასაცილო მაინც ის იყო, რომ ტაქი გავაჩერე სამსახურში მისასვლელად - უნდა შემევლო აეროპორტში წასვლამდე. ტაქსის მძღოლმა, წესით მე თქვენ ფულს არ უნდა გართმევდეთო. რატომ მეთქი, იმიტომ რომ გულს მფხანთო. აი ძალიან მაგრად მომწონხართო, მეც და ჩემს შვილსაცო", - წერს "ფეისბუქზე" ჩერგოლეიშვილი.