ამომრჩევლის მოსყიდვაში ბრალდებულების სისხლის სამართლებრივი დევნა შეწყდა

სამართალი - 16:58, 27 Nov, 2012

413

ქუთაისის საქალაქო სასამართლოში განცხადება გააკეთეს. დღეს გამართულ პროცესზე, სახელმწიფო ბრალდების მხარემ, ზემდგომი პროკურორის თანხმობით, იშუამდგომლა ყურუას, ამაშუკელის, ჯაბუას, მესხის და ამბროლაძის მიმართ წარდგენილი ბრალდების მოხსნა და სისხლის სამართლებრივი დევნის შეწყვეტა, რაც მოქმედი კანონმდებლობით, სასამართლოს მიერ საქმის შეწყვეტას იწვევს.

შეგახსენებთ, რომ აღნიშნულ პირებს ბრალი ედებოდათ საქართველოს სისხლის სამართლის კოდექსის 164.1-ე მუხლით გათვალისწინებული დანაშაულის ჩადენაში, კერძოდ მასში, რომ მათ მონაწილეობა მიიღეს ამომრჩეველთა მოსყიდვაში, ესე იგი საარჩევნო მიზნით პირდაპირ ფულის ან სხვა ქონების შეთავაზება, დაპირებაში.

კერძოდ, მოქალაქეთა პოლიტიკურმა გაერთიანებამ "ქართული ოცნება - დემოკრატიულმა საქართველომ" ქუთაისში 10 ივნისს დაგეგმა აქცია. მასში მოქალაქეთა მონაწილეობის უზრუნველსაყოფად 2012 წლის 5 ივნისს პარტიის აქტივისტებმა მოსახლეობასთან გამართეს შეხვედრები, რა დროსაც ზემოხსენებული პირები, მოქალაქეებს ბუკლეტების შევსებისა და მათში ქონებრივი ხასიათის სურვილების დაფიქსირების გზით 1000 ლარის ფარგლებში, ფულის ან სხვა ქონების გადაცემას დაჰპირდნენ. აღნიშნულ საქმესთან დაკავშირებით საქმე აღიძრა.