თბილისის საკრებულო უახლოეს საათებში, საკრებულოს თავჯდომარის ირაკლი შიხიაშვილის უმაღლესი განათლების დამადასტურებელი დიპლომის ასლს გაავრცელებს. ამის შესახებ "ნიუპოსტს" საკრებულოს პრესსამსახურის ხელმძღვანელმა კობა ალხაზიშვილმა განაცხადა, დიპლომთან ერთად საკრებულო სპეციალურ განცხადებასაც გაავრცელებს.

„შიხიაშვილს დიპლომი აქვს და ცოტა ხანში დიპლომის დასკანერებულ ვერსიას გავავრცელებთ,“ - განაცხადა "ნიუპოსტთან" კობა ალხაზაშვილმა.

საკრებულოს აპარატის ყოფილმა ხელმძღვანელის მარიკა დათუკიშვილის ინფორმაციით ირაკლი შიხიაშვილს დიპლომი არ აქვს.

„რამდენჯერმე ვთხოვე მოეტანა დიპლომი, თუმცა ყოველთვის სხვადასხვა მიზეზებს მეუბნებოდა, ამბობდა, რომ ავიწყდებოდა, ბოლოს საკრებულოს კადრების სამსახურს მოხსენებითი ბარათიც კი გავაკეთებინე დიპლომის წარმოუდგენლობასთან დაკავშირებით, რადგან ირღვეოდა კანონი“, - განუცხადა „პირველ რადიოს“ მარიკა დათუკიშვილმა.