აკაკი მინაშვილი: ბიძინა ივანიშვილი სახელმწიფოს უყურებს, როგორც სათამაშო მანქანას

პოზიცია - 15:19, 27 Nov, 2012

1482

სახელმწიფოს უყურებს როგორც სათამაშო მანქანას და ბუნებრივია, აქედან გამომიდნარე, ვერ ხედავს განსხვავებული, კრიტირკული აზრის საჭიროებას, ასეთ დამოკიდებულება ივანიშვილის მხრიდან გამოიკვეთა მთავრობის დამტკიცების და მათ შორის, პრესკონფერენციის დროს. ამიტომ იგი ცდილობს მთლიანად გაანადგუროს, წაშალოს პოლიტიკური დღის წესრიგიდან ნაციონალური მოძრაობა, რაც ბუნებრივია არ გამოუვა’’-აცხადებს ,,ნაციონალური მოძრაობის’’ წევრი, პარლამენტარი აკაკი მინაშვილი სააგენტო ,,ნიუპოსტთან’’ ინერვიუში.

-ბატონო აკაკი, ძალიან გააქტიურდა დაჭერების თემა, ახალაიების ამბავი მემგონი გადაფარა ვანო მერაბიშვილის თემამ, ხომ არ მიმიდნარეობს ახალი ხელისუფლების მხრიდან რევანშისტული პოზიციებიდან ბრძოლა თქვენს წინააღმდეგ?

რა თქმა უნდა ეს არის მკაცრად რევანშისტული პოზიციებიდან ბრძოლა და მთავარი იდეა, რც გამოიკვეთა არჩევნების შემდეგ და რაც განსაკუთრებთ ხაზი გაესვა ივანიშვილის ბრიფინგზე, არის ის, რომ მას არ უნდა, ქვეყანაში ჰყავდეს პოლიტიკური ძალა, თუნდაც კონსტრუქციული, რომელიც მას გაკრიტიკებს. ეს პირდაპირ ამსხვრევს იმ მითს, რომ ისინი ხელისუფლებაში მოდიოდნენ საქათველოში დემოკრატიის გასაძლიერებლად, რეფორმების გასაგრძლებელად და რომ ამ გზით ისინი შეიყვანდნენ ქვეყანას ევროკავშირსა და ნატოში. პირიქით, ივანიშვილის ინსტიქტები, მოსაზრებები, მისი მიდგომები არის ამ ყველაფერის საწინააღმდეგო და სამწუხაროდ ეს ყველაფერი უკვე აისახა ნატოსა და საქართველო-ევოკავშირის ურთერთობაზე, ამას მოწმობს ნატოს გენერალური მდივნის რასმუსენსი და იგივე ქეთრინ ეშტონის მიერ გაკეთებული განცხადებაც.

-ფაქტია, რომ ევროკომისიის ვიცე-პრეზიდენტმა ქეთრინ ეშტონმა კიდევ ერთხელ გაუსვა ხაზი, რომ არ უნდა იყოს შერჩევითი მართლმსაჯულება და არ უნდა გაჩნდეს ეჭვი, რომ ადგილი აქვს პოლიტიკური ნიშნით დაპატიმრებებს.

ჩვენი გუნდის წევრები პირელი რასაც ვეუბნებით ევროკავშირისა და ნატოში ჩვენს პარტნიორებს, არის ის, რომ ევროინტეგრაციის კურსი არ უნდა შეფერხდეს. ეს არის ჩვენი უცვლელი პოზიცია, მიუხედავად იმისა, რომ ჩვენზე არის შეტევა, როგორც პოლიტიკურ გუნდზე, მაგრამ საქართველოსთვის არის უკეთესი, რომ ეს ტემპი იყოს იგივე, რაც იყო არჩევენბამდე. ქეთრის ეშტონი ერთ ფრაზაში მინიშნებაა გაკეთებული ქვეყანაში შერჩევით მართლმსაჯულებაზე. თავისთავად ერთი რამ არის ხაზგასასმელი, როგორც წესი საერთშორისო მოთამაშეები ერიდებიან რაიმე შენიშვნის გაკეთებას, როცა ახალი ხელისუფელბა არის მოსული ქვეყნის სათავეში და როცა მთავრობის დაკომპლექტებიდან მოლოდნის, შეფასების რეჟიმი დგას, ასეთ დროს, როგორც წესი თავს იკავებენ კრიტიკული შეფასებისგან, პირიქით დახმარების და პარტნიორობის ფორმატში არიან.

-ხელისუფლების მხრიდან არის დეკლარირებული განცხადებები, რომ ნატოში ინეგრაცია არის პრიორიტეტული საკითხი და ეს პირდაპირ იდენტურია თქვენი განცხადებისა ევროატლანტიკურ კურსთან დაკავშირებით, თქვენ ყოველთვის ეჭვის თვალით უყურებდით ოცნების საგარეო პოლიტიკას, ფაქტია, რომ ისინი დღემდე პრიორიტეტს ანიჭებენ დასავლურ კურსს. თქვენ ისევ ეჭვი გეპარებათ ამაში?

მოდით ასე ვთქვთ, პირველ რიგში წინასაარჩევნო პერიოდში მათი საგარეო ორიენტირები იყო ძალიან აბნეული და საგარეო კურსთან დაკავშირებით მათი განცხადებები ძალიან ბევრ კითხვის ნიშანს ბადებდა, მათ შორის იმაზე, რომ ნატოში გაწევრიანება მოხდება მხოლოდ რუსეთის გავლით, რაც თავისთავად ნონსენსია და ისტორიული ფაქტები გვაჩვენებს, რომ ეს შეუძლებელია. საუბრები იმაზე, რომ პირდაპირი დიალოგი უნდ დავიწყოთ ოკუპირებულ აფხაზეთის და ცხინვალის რეეგიონის მარიონეტულ რეჟიმებთან, რუსეთთან ურთიერთობების დათბობა, ეს ყველაფერი ძალიან შემაშფოთებელი იყო. არჩევნების შემდეგ ამ პოლიტიკური ჯგუფის გარკვეულმა ნაწილმა ძალიან მკაფიოდ ჩამოაყალიბა თავისი პოზიციები - ნატოსა და ევროკავშირში ინტეგრაცია, ოკუპირებული ტერიტორიების საკითხი, ის, რომ დიპლომატიური ურთიერთობების აღდგენა ვერ მოხდება მანა, სანამ ტერიტორიები ოკუპირებულია, ეს ყველაფერი დეკლარირებულად სწორია საგარეო პოლიტიკის კუთხით, თუმცა მეორეს მხრივ მათი ქმედებები სრულიად საწინააღმდეგოდ მიდის. ის, რასაც ისინი აკეთებენ დემოკრატიისა და ადმაიანის უფლებების კუთხით, დაკავებები იქნება ეს თუ სხვა მოქმედებები, ძირშივე ეწინააღმდეგება აღნიშნული ინტეგრაციის პროცესს. ამიტომ, ამ ეტაპზე მათ გულწრფელობაში დაჯერება რთულია. თავისთავად ეს გუნდი ძალიან დივერსიფიცირებულია, არიან ადამიანების ნაწილი პარლამენტში, იგივე საგარეო ურთიერთბათა კომისიის თავმჯდომარე, რომელმაც ადრე განაცხადა, რომ ევრაზიულ კავშირზე ფიქრი შეიძლება და მას ამაზე განსხვავებული მიდოგომები აქვს, ანუ ეს განსხვავებები კითხვის ნიშნებს ბადებს. კონსოლიდირებული ერთიანი ჩამოყალიბებული პოზიცია ამ ადმაიანებს არ აქვთ, ბევრ რამეზე მათ შორის საგარეო პოლიტიკაზე, რომელიც არჩევნების შემდეგ გამოჩნდა. ერთიანი პოზიცია რომ არ აქვთ, ეს მაშინაც გამოჩნდა, როცა ხდებოდა მთავრობის დამტკიცება. შინაგან საქმეთა მინისტრი იძახდა, რომ არ უნდა მოხდეს შსს გაყოფა ანუ უშიშროების სამსახური უნდა იყოს შინაგან საქმეთა სამინსიტროს ფარგლებში, სხვა ადამიანები საუბრობდნენ, რომ ცალკე უნდა იყოს, მერე პრემიერმაც იგი გაიმეორა, ანუ იმდენად დივერსიფიცირებულია და არ არის ჩამოყალიბებული მათი პოზიციები, რომ რთულია რაიმე შეფასების გაკეთება.

-თქვენი გუნდი ძალიან ხშირად ამბობს ხოლმე, რომ ,,ქართულ ოცნებას’’ მხოლოდ ლამაზად დაწერილი პროგრამა ჰქონდათ და ისინი რეალურად მზად არ იყვნენ ხელისუფლებაში მოსასვლელად და შესაბამისად, ჩამოუყალიბებლად შეხვდნენ ხელისულების გადაბარების პროცესს. თქვენ პრაქტიკულად ერთგავრი ანკესი გადაუგდეთ ახალ ხელისუფლებას, როცა ძალიან მშვიდად გადააბარეთ მმართველობა და ამ დროს აღმოჩნდა, რომ ისინი ელემენტარულ დაპირებებსაც ვერ ასრულებენ.

ბუნებრივია, მთავარი ისაა, რომ ისინი უპასუხისმგებლოდ ექცევიან საკუთარ ამომრჩეველს. საბოლო ჯამში საზოგადოება გამოიტანს შესაბამის დასკვნას, მაგრამ მთავარი ის არის, რომ მათ არ აქვთ განცდა ანგარიშვალდებულების საკუთარ მოქალაქეებთან. ის პროგრამა რაც გაჩნიათ, არც ერთ იმ პუნქტს, არც დემოკრატიის მიმართულებით, არც საპარლამეტნო ოპოზიციის გაძლიერების კუთხით, სოციალური სფეროს მიმართლებით, საერთოდ რაფერს არ ასრულებენ.

-ხშირად მუსირებს ხოლმე ასეთი ფრაზა, რომ ვაცადოთ ახალ ხელისუფლებას, ნუ ვართ სულსწრაფები, რამდენად სწორია ფორმულირება? ანუ არ დააცდით ახალ ხელისუფლებას, პირობითად ვთქვათ ერთი წელი?

ჩვენ სხვა კუთხით ვუყურებთ. როცა ,,ქართული ოცნება’’ წინასაარჩევნოდ ამბობდა, რომ გაანახევრებდა ტარიფებს მყისიერად, ეს ნიშნავს, რომ ის პირობას აძლევდა საკუთარ ამომრჩეველს, საკუთარ მოქალაქეს. ეს ხელისუფლება არათუ იმას ვერ საზღვრავს პირობებს როდის შეასრულებს, არამედ ვერ საზღვრავს როდის იქნება მზად, რომ საბოლოო გეგმები დადოს. ბუნებრივია, რომ როგორც პოლიტიკურ ოპონენტებს, ასევე საზოგადოებასაც ერთს მხრივ, ძალიან ბევრი კითხვის ნიშანი გაუჩნდა ხელისუფლების გულწრფელობაში და მეორეს მხრივ, კითხვები ჩნდება თუ რამდენად აქვთ უნარი და კვალიფიკაცია იმისა, რომ დაპირებები შეასრულონ. ეს არის მთავრი უფლება დ როლი ოპოზიციის, რომ ხელისუფლება აიძულოს ქვეყანაში გააგრძელოს ესა თუ ის რეფორმა, და ეს რეფორმები ჩაატაროს ისე, რომ ქვეყანას და მოქალაქეებს არ ავნოს.

-შესაძლოა გასული ამბავია უკვე მაგრამ მაინც, ევროპულ ვიზიტთან დაკავშირებით უნდა გკითხოთ. რამდენად სწორი იყო ხელისუფლების დამოკიდებულება, რომ საპარლამენტო ასამბლეის რეზოლუცია, იგივე რასმუსენის შეფასებები და ზოგადად მათი ინფორმირებულობა საქართველოს შესახებ, გიორგი კანდელაკამდე დაიყვანა ხელისუფლებამ. რამდენად ადექვატური იყო ივანიშვილის ხელისუფლება ამ განცხადების გაკეთებისას?

,,ქართული ოცნების’’ მხრიდან ეს იყო ძალიან არასერიოზული განცხადება, რბილად რომ ვთქვათ. ამ გამოცდილების მქონე ადამიანებს, რომლებიც აქტიურად იყვნენ ჩართული საერთაშორისო პროცესებში, მემგონი ამ ტიპის განცხადება არ უნდა გაეკეთებინათ, და მეორეს მხრივ, ნატოსა და ევროკავშირისთვის იყო ძალიან შეურაცმყოფელი. ესენი არიან ძალიან სერიოზული საერთაშორისო ორგანიზაციები, რომელთაც გააჩნიათ დახვეწილი გზები ინფორმაციის მიღების, მათ შორის ჰყავთ წარმოამდგენლობები საქართველოში. ასე, რომ ძალიან არასერიოზულია საუბარი იმაზე, რომ რომელიმე პოლიტიკურმა პარტიამ, და ამ შემთხვევაში ,,ნაციონალურმა მოძრაობა’’ მართავს ნატოს გენრალურ მდივანს. რაღაც კრიტიკა იყო ჩვენს მიმართაც, მაგრამ ამ ტიპის კრიტიკა მათ არასოდეს გამოუხატავთ. ამ ადამიანებს არ ესმით, რომ ისინი არიან ეხლა ხელისუფლებაში და არიან ყევლაფერზე პასუხისმგებელნი, რაც ქვეყანაში ხდება და რომ მათ ეს კრიტიკა უნდა მიიღონ და უნდა იმუშაონ ამ ხარვეზის გამოსასწორებლად, ან უნდა დაარწმუნონ საზოგადოება, რომ ეს არასწორია.

-თქვენი ხელისულების პირობებში სულ ველოდებოდით, როდის შევიდოდით ნატოში და პრაქტიკულად მაპზეც კი ვერ შევთანხმდით, რა შანსი არსებობს ამ ხელისუფლების პირობებში, მოხედხდება მაპის მიღება ამ 4 წელიწადში მაინც?

ცოტა რთულია პროგნოზების გაკეთება და ზოგადად რთულია პრემიერ-მინისტრის პროგნოზირება. ეს გამოიკვეთა ბოლო პერიოდშიც. მე შემიძლია გითხრათ ,,ნაციონალური მოძრაობის’’ სახელით, რომ ჩვენ ძალიან ბევრს ვიმუშავებთ ჩვენს პარტნიორებთან, რომ ეს მოხდეს რაც შეიძლება სწრაფად. რაც შეეხება ჩვენს ოპონენტ პოლიტიკურ ძალას, ძალიან სამწუხაროა, რომ მათი პირველი ნაბიჯები ამის საწინააღმდეგოდ მეტყველებს და მთელ ამ პროცესს აფერხებს. მე იმედი მაქვს, რომ ისინი გონს მოეგებიან და იმოქმედებენ ქვეყნის მოქალქეების საკეთილდღეოდ. ნატო და ევროკავშირი სწორედ ამ კეთილდღეობის გზაა და იმედი მაქვს, რომ ისინი არ ჩამოეკიდებიან რუსეთს. მიუხედავად მათი მხრიდან ავროატლანტიკური ინტეგრაციის პრიორიტეტულობის კუთხით გაკეთებული განცხადებებისა, მაინც ბევრი კითხვის ნიშნებია და მაქვს იმის შიში, რომ შეიძლება ეს ფაქტორი შემოტრიალდეს არასახარბიელოდ. გარდა ამისა, ბუნებრივია გეოპოლიტიკური გარემო პირობები ძალიან მნიშვნელოვანია, განცდა მაქვს, რომ ბევრი კითხვის ნიშნები ჩნდება მეზობლებთან ურთიერთობისას, სხვა მეზობლებთან არა რუსეთთან, თურქეთთან მაგალითად და ა.შ. რაც თავისთავად ძალინა ცუდია. ჩვენი ხელისუფლების პირობებში ძალიან ინტენსიური ურთიერთობები გვქონდა მეზობლებთან, მეგობრული ურთიერთობა გვქონდა და პირველ რიგში, ეს ერთ-ერთი წინაპირობა იყო ქვეყნის ეკონმიკის განვითარების და ინვესტიციების მოზიდვის.

-დათა ახალაიას ამბავი ცნობილია, გუშინ გავრცელდა ინფორმაცია, რომ შესაძლოა მიადგნენ როლანდ ახალაიასაც, რა ხდება? ეს ხომ არ არის გეგმაზომიერი ქმედება ოჯახის მიმართ?

მე ვფიქრობ პირველ რიგში ეს არის პოლიტიკური შოუს დადგმის მცდელობა, მათ შორის ვანო მერაბიშვილის დაკავებაზე საუბრები გაურკვეველი საფუძვლებით, ბაჩო ახალაიას დაკავება ასევე გაურკვეველი საფუძვლებით, თქვენ რომ ნახავთ ამ საქმეებს იქ არის ურთიერთგამომრიცხავი ჩვენებები.

-ბატონო აკაკი, თქვენც გეტყვიან თქვენი ოპონენტები, რომ პოლიტიკურ შოუებს თქვენც მართავდით.

ხარვეზი ბუნებრივია ჩვენს დროსაც იყო და ძალიან ბევრი, მათ შორის ობიექტურთან ერთად სუბიექტურიც. ბევრი შეიძლება ვიკამათოთ იმაზე, რომ ამ არჩევნებში ვერ გავიმარჯვეთ ხარვეზების გამოც. ეხლა არის ხვა ხელისუფლება დ ამათ უნდა აიღონ პასუხისმგებლობა. ის საფუძველბი რა საფუძვლებითაც დღეს აკავებენ, იგივე შოთა ხიზანიშვილი, იგივე თენგო გუნავა, რომელსაც მთელმა საქართველომ იცის, რომ იარაღი და ნარკოტიკი ჩაუდეს, რომელიც შევარდნაძის მმართველობის სტილის ჩადება იყო, დამერწმუნებით. ეს ნიშნავს იმას, რომ ამ ადამიანებს არავითარი საფუძვლები არ გააჩნიათ - არც მკვლელები არიან, არც მწამებლები, მათ უბრალოდ ჭირდებათ პოლიტიკური შოუ იმისათვის, რომ საკუთარი უუნარობა გადაფარონ. მეორეს მხრივ, მათ წინასწარ ჰქონდათ გაცხადებული ეს ისტერია მთელი ამ ხნის განმავლობაში, რომ ახალაიები, მერაბიშვილები არიან მკვლელები და ა.შ. სამწუხაროა, რომ ამას ამბობენ თვით მინისტრები, რაც არის პირდაპირი ზეწოლა გამოძიებაზე, იგივე თეა წულუკიანი და მთავრი პროკურორიც მსგავსი ტერმინოლოგიით საუბრობენ. მაგრამ საზოგადოებამ კარგად დაინახა, რომ ეს არის გრკვეულწილად შეთითხნილი, უსაფუძვლო ბრალდებები.

-გაგრძელდება თუ რა ასეთი შოუები, თქვენი აზრით?

კიდევ ვიმეორებ, რომ ძალიან რთულია ბიძინა ივანიშვილის პროგნოზირება. ჩემი აზრით მას არ ესმის სახელმწიფოს არსი, ის სახელმწიფოს უყურებს როგორც თავის დიდ კორპორაციას, სადაც ის არის ერთპიროვნული ბატონი. სახელმწიფოს უყურებს როგორც სათამაშო მანქანას და ბუნებრივია, აქედან გამომიდნარე, ვერ ხედავს განსხვავებული, კრიტირკული აზრის საჭიროებას, ასეთ დამოკიდებულება ივანიშვილის მხრიდან გამოიკვეთა მთავრობის დამტკიცების და მათ შორის, პრესკონფერენციის დროს. ამიტომ იგი ცდილობს მთლიანად გაანადგუროს, წაშალოს პოლიტიკური დღის წესრიგიდან ნაციონალური მოძრაობა, რაც ბუნებრივია არ გამოუვა.

-თქვენ ხომ სახელის შეცვალსაც აპირებთ და იქნებ სახელის პრობლემა აქვს და მისმა შეცვლამ უშველოს ასეთ დამოკიდებულებას?

სახელის შეცვლაზე არ არის, მას არ მოსწონს კრიტიკული მიდგომა. მას ჰგონი, რომ არის სრულყოფილი და ყევლაფერს უშეცდომოდ აკეთებს. ფაქტია, ის ვერ გააქრობს ნაციონალურ მოძრაობას და ოპოზიციურ პარტიას ქვეყანაში, იმიტომ რომ, კიდევ ვიმეორებ, მიუხედავად ბევრი ხარვეზისა და ამაზე სასაუბროდ მზად ვარ, ამ 9 წლის განმავლობაში ჩვენ მაინც გავაძლიერეთ დემოკრატიული ინსტიტუტები.

-ბოლოს მინდა გკითხოთ, საზოაგდოებაში მუსირებს აზრი, რომ შესაძლოა ნაციონალურმა მოძრაობამ კუდი მოიქნიოს. ამის საფუძვლებს გაძლევთ ის შეცდომები, რასაც ახალი ხელისუფლება უშვებს თუ კიდევ რამე სხვა რესურსი გაქვთ, რომელსაც, ასე ვიტყოდი ,,შავი დღისთვის’’ გამოიყენებთ, დაახლოებით იმ მომენტისთვის, როცა ამის დრო დადგება?

პირველ რიგში ნაციონალური მოძრაობის მთავარი მიზანია ქვეყანა განვითარდეს და ქვეყანა წავიდეს წინ, მოქალაქეებს ჰქონდეთ კეთილდღეობა. ნაციონალური მოძრობა არის პოლიტიკური პარტია და ბუნებრივია ჩვენ გვჯერა, რომ ვართ ის პოლიტიკური ძალა, რომელიც ამას გავაგრძელებთ. გვქონდა ხარვეზები რომლის გამოც არჩევნები წავაგეთ, მაგრამ პოლიტიკური პარტია ვართ, რომელსაც ხელისუფლებაში მოსვლის პრეტენზია აქვს და მთავრი კომპონენტი ჩვენი ხელისუფლებაში დაბრუნების იქნება ჩვენი ხედვები, ახალი მიდგომები, ახალი ადამაინები, საჯარო კომუნიკაციის გაფართოება, რაც ძალიან მნიშვნელოვანია, მეტი ურთიერთობები ადამიანებთან და მათი მეტად მოსმენა, და ბუნებრივია, თუ ამ პოლიტიკურ ძალას მეტი შეცდომები ექნება, ეს კიდევ უფრო ხელს შეგვიწყობს ხელისუფლებაში დასაბრუნებლად. თუმცა მთავარი მაინც არის რამდენად ვიქნებით აქტიურები და რამდენად უფრო მეტად გვექნება კომუნიკაცია ჩვენს მოქალაქეებთან და მკაფიოდ და გასაგებად ავუხსნით, რისი გაკეთება შეგვიძლია და რა არის სწორი, რომ ქვეყანამ განვითარება გააგრძელოს. სამწუხაროდ მე ძალიან ცუდ ტენდენციებს ვხედავ ამ ხელისუფლებისგან, ,,ქართული ოცნებისგან’’ და შეიძლება ბევრი პროცესი ისე შემოტრიალდეს, რომლის გამოსწორებაც შეუძლებელი იქნება დიდ ხნის განმავლობაში. მაგალითად მინდა ციხისა და სასჯელაღსრულების სიტემა მოგიყვანოთ. ის, რაც ამ ადმაინებმა გააკეთეს ბოლო პერიოდში, იგივე აბურჯანიას მოხსნით, მათ შორის ის, რომ ცდილობენ ციხის დალაგებას კრიმინალური სამყაროს მეშვეობით, კანონიერი ქურდების მეშვეობით, ეს არის ძალიან დიდი საფრთხე. მაშინ, როცა ქურდები დაიწყებენ ყველაფრის მოგვარებას, აქ საქმე ეხება არა მარტო ციხის კონტროლის დაკარგვას, არამედ ქვეყნის გარეთ კონტროლის დაკარგვას. მომავალში ძალიან რთული იქნება ისეთი ადამიანის მოძებნა, რომელიც ამ სისტემას გამოასწორებს, ეს არის ძალიან ცუდი გზავნილი, იგივე რაც ხდება ჯარში, ის, რომ მე-4 ბრიგადა გადაქცეული ყავდათ დიდი ხნის განმავლობაში, როგორც საგამოძოებო ოთახი და სამხედრო პოლიცია ცდილობდა ზეწოლა განეხორციელებინა, ეს არის შეიარაღებული ძალების ღირსებასა და პრესტიჟზე დარტყმა. როცა საუბარია იმაზე, რომ ადამიანები დამატებითი ვარჯიშის გამო შეიძლება დაისაჯონ, თავისთვად არასწორი ფაქტია, მაგრამ გზავნილი მათ მხრიდან არის ასეთი, რომ ადამიანები რომლებიც ჯარში ვარჯიშზე უარს აცხადებენ, ისინი არ უნდა დაისაჯონ, ნუ გვავიწყდება, რომ ეს არის ჯარი. ესეც იმდენად ცუდ რეზონანს გამოიწვევს, რომ ამის დალაგებაც რთული გახდება. იგივე ეხება ფართომასშტაბიან ამნისტიას და კრიმინალის გაზრდას, რაც ასევე ძალიან რთულად გამოსწორებადი იქნება და ეს არის მტკივნეული ჩვენი საზოგადოებისთვის.

ჟანა ასანიძე

სააგნეტო ,,ნიუპოსტი’’