"ნაციონალური მოძრაობის" ცენტრალურ ოფისთან საპროტესტო აქცია მიმდინარეობს. აქციის მონაწილეები იმ პირების დასჯას ითხოვენ, ვინც მუხროვანის ე.წ. ამბოხი დაგეგმა, რომლის შედეგად ერთი ადამიანი გარდაიცვალა.

აქციაზე პოლიტიმრის სტატუსით გათავისფულებული პირები და სხვადასხვა ორგანიზაციების წარმომადგენლები არიან შეკრებილნი.

აქტივისტებმა აქციაზე საპროტესტო პლაკატები, წარწერით „ვანო მკვლელი", „ორი გვამი მინდა“ მიიტანეს. ასევე, აქციის მონაწილეებს უმცირესობის ოფისთან 26 მაისის, 7 ნოემბრის ამსახველი ფოტომასალა აქვთ მიტანილი.

აქციის მონაწილეების მოთხოვნაა "ნაციონალური მოძრაობის" საქართველოს პოლიტიკური რუკიდან წაშლა.

ასევე, მათივე თქმით, სურთ, ბრალი დაუმძიმდეს ვანო მერაბიშვილს, რომელიც მუხროვანის მოვლენების დროს ორ გვამს ითხოვდა.

ისინი განცხადებით მიმართავენ პარლამენტს და მთავარ პროკურატურას, რათა დაიწყოს მუხროვანის ამბოხების დეტალების გამოძიება.

„მივმართავთ პარლამენტს და პროკურატურას სასწრაფოდ მოხდეს ვიდეომასალის ავთენტურობის დადგენა და პარლამენტში შეიქმნას საგამოძიებო კომისია, რომელიც გამოავლენს ყველა უკანონო და დანაშაულებრივი ბრძანების გამცემს და შემსრულებელს“ - აცხადებს პოლიტპატიმრის სტატუსით გათავისუფლებული ვახტანგ მაისაია.

აქციის მონაწილეები ასევე, დავით ნაირაშვილის თანამდებობიდან გადაყენებას მოითხოვენ, რომელიც ამჟამად დიდ ბრიტანეთში საქართველოს სამხედრო ატაშედ მუშაობს.

"ერთიანი ნაციონალური მოძრაობის" ოფისთან საპატრულო პოლიციაა მობილიზებული