ხვალ ქუთაისის საქალაქო სასამართლოში საქართველოს ყოფილი პრემიერმინისტრის, ვანო მერაბიშვილის სასამართლო პროცესი გაიმართება. ჩანიშნულ სხდომაზე დაცვის მხარე საკუთარი მოწმეების დაკითხვას დაიწყებს.

დღეს გავრცელებულ ვიდეომასალასთან დაკავშირებით „ნიუპოსტი“ ვანო მერაბიშვილის ადვოკატს, ოთარ კახიძეს ესაუბრა. უფლებადამცველის განცხადებით, აღნიშნულ თემაზე ყოფილ პრემიერთან ჯერ არ უსაუბრია, ხვალ დაგეგმილ სასამართლო პროცესს კი ვანო მერაბიშვილი სავარაუდოდ დაესწრება:

„ჯერჯერობით აღნიშნულ თემასთან დაკავშირებით ვანო მერაბიშვილთან არ მისაუბრია. ხვალ შევხვდები და ვისაუბრებთ, სასამართლო პროცესზე დასწრებას კი ვანო მერაბიშვილი გეგმავს“, - აღნიშნა „ნიუპოსტთან“ საუბრისას კახიძემ.

სავარაუდოდ ხვალ გააკეთებს ექსპრემიერი სკანდალურ ვიდეომასალასთან დაკავშირებით კომენტარს.