"ნიუპოსტი" გუშინ შიდა ქართლის ყოფილი გუბერნატორის მიშა ქარელის მიერ გაკეთებულ განცხადებასთან დაკავშირებით დამატებითი ინფორმაციის მოძიებას დღეს ტყვიავში შეეცადა.

"ნიუპოსტის" კორესპონდენტი მიხეილ ქარელისა და ირაკლი ოქრუაშვილის ოჯახებს ესტუმრა.

როგორც "ნიუპოსტთან" საუბრისას მიშა ქარელის და განმარტავს, მის ძმასა და ოქრუაშვილს შორის დაძაბულობა დიდი ხანია არსებობს.

"პირადად ოქრუაშვილისგან ზეწოლა არ ყოფილა ჩვენს ოჯახზე ჯერ-ჯერობით, თუმცა არანაკლებ დღეში ჩააგდო ჩემი ძმა როდესაც საფრანგეთში ერთად იყვნენ სახლიდან გამოაგდო ირაკლიმ და მიშა ღია ცის ქვეშ დატოვა, დიდი ხანია უკვე მაგათ შორის აღარ არის ურთიერთობა. სმს-ი რაც მისწერეს ჩემს ძმას იქიდან გამომდინარე, უკვე შიშიც გამიჩნდა" - აცხადებს მიშა ქარელის და, მაკა ქარელი.

"ნიუპოსტი" ირაკლი ოქრუაშვილის საცხოვრებელ სახლშიც მივიდა, თუმცა იქ არავინ დაგვხვდა. მეზობლებმა როგორც აღნიშნეს, ოჯახი სოფელში იშვიათად მოდის. ბოლო პერიოდში კი, ირაკლი ოქრუაშვილიც შენიშნეს. ოქრუაშვილის მეზობლებს მიშა ქარელის მიერ გუშინ გავრცელებულ ინფორმაციაში ეჭვი შეაქვთ.

ქარელის მიერ გავრცელებულ განცხადებაში მეტ სახელად "ვოლკი"-ც ფიგურირებს, რომელიც თავდაცვის სამინისტროს შესყიდვების ყოფილი უფროსი სოსო ჩიხრაძეა. სოსო ჩიხლაძე ამ დროისთვის ჰოლანდიაში ცხოვრობს, ჩიხლაძეს სახლი სოფელ ტყვიავში აქვს, სადაც მისი მშობლები ცხოვრობენ. ოჯახს სახლი ორჯერ დაუწვეს, მიშა ქარელის მიერ გასაჯაროვებულ წერილში ეწ "ვოლკი"-ს სახლის დაწვაც არის ნახსენები.

"რაც მიშა ქარელის მიერ გავრცელებული ინფორმაცია ვნახე, იმის შემდეგ ცუდად ვარ რა ვიფიქრო აღარ ვიცი, ესე იგი მიშა ქარელს სცოდნია ვინ დაგვიწვა სახლი. მე სიმართლე გითხრათ მიშას ეს განცხადება არ მგონია რეალური. ასე დამტკიცების გარეშე გამოძიებამ უნდა მოჰკიდოს ხელი მე როგორ დავუჯერო გამოძიების გარეშე საფრანგეთში მყოფ კაცს. მე ვიცი, რომ ჩემს შვილს ირაკლისთანაც და მიშასთანაც ნორმალური ურთიერთობა აქვს რაც ეს ინფორმაცია გავრცელდა არ მისაუბრია", - აცხადებს ციალა ჩიხლაძე რომლის შვილისშვილის ეწ ''ვოლკი"-ს შვილის ნათლია ირაკლი ოქრუაშვილია.