ირაკლი ოქრუაშვილის თანაგუნდელი თეო ტლაშაძე "ფეისბუქის" საკუთარ გვერდზე ექს-მინისტრის ირაკლი ოქრუაშვილისა და შიდა ქართლის რეგიონში პრეზიდენტის ყოფილი რწმუნებულის მიხეილ ქარელის სკანდალური მიმოწერის ფაქტს ეხმაურება.

ტლაშაძე მიიჩნევს, რომ აღნიშნული ინფორმაცია პროვოკაციის მოწყობის მიზნით გავრცელდა.

"ძვირფასო მეგობრებო, გუშინდელმა ათობით სატელეფონო ზარმა და შეტყობინებამ ჩემს მობილურზე, იძულებული გამხადა გიპასუხოთ ყველას ამ ფორმით და ძალიან მოკლედ, რომ ე.წ "სმს".ი რომელიც გავრცელდა სოციალურ ქსელში და სააგენტოებში, მეც თქვენსავით პირველად მოვისმინე და ვნახე, შესაბამისად, რადგან ვთვლი, რომ ეს ორივე ადამიანი არის ჩემთვის ახლობელი, ხოლო ამ "სმს"ის ავტორის მიზანი კი პროვოკაციის მოწყობა, არ ვაპირებ არანაირი კომენტარების კეთებას, ხოლო მოვლენების განვითარებას და შედეგს, მეც თქვენსავით დაველოდები"- ნათქვამია განცხადებაში, რომელიც ტლაშაძემ სოციალური ქსელით გაავრცელა.

გუშინ, ირაკლი ოქრუაშვილის მუქარის წერილი გავრცელდა, სადაც ექს-მინისტრი მიხეილ ქარელს ოჯახის ამოწყვეტით ემუქრებოდა.