ავტომსრბოლელი, რომელსაც 3 იანვარს 45 წელი შეუსრულდა, თითქმის ერთი თვეა კომაში იმყოფება. 29 დეკემბერს ალპებში თხილამურებით სრიალის დროს შუმახარმა სერიოზული ტრავმა მიიღო.

საფრანგეთში, გრენობლის საავადმყოფოში ფორმულა1-ის შვიდგზის ჩემპიონი ხელოვნურ კომაში იმყოფება. როგორც ფრანგული L'Equipe საკუთარ წყაროზე დაყრდნობით იტყობინება, შუმახერი კომური მდგომარეობიდან თანდათანობით გამოდის.

კონფიდენციალური წყაროს ცნობით, შუმახერს რეფლექსები გაუჩნდა. ბოლო ოფიციალური განცხადება შუმახერის ჯამრთელობის შესახებ ორი დღის წინ გაკეთდა. მაშინ ითქვა, რომ ავტომსრბოლელის მდგომარეობა სტაბილურია, თუმცა, კვლავინდებურად კრიზისული.