„ხუდონჰესის“ პროექტის განხორციელების დროს - სვანეთის მოსახლეობის ინტერესი გათვალისწინებული იქნება და არავინ დარჩება მოტყუებული", - განცხადება ამის შესახებ, ენერგეტიკის მინისტრმა კახი კალაძემ, ტელეომპანია „იმედის“ ეთერში გააკეთა და განმარტა, რომ „ჰესის აშენების შემთხვევაში სახელმწიფოს კერძო მესაკუთრეთათვის ქონების იძულებით ჩამორთმევის საჭიროება არ ექნება“.

ენერგეტიკის მინისტრის თქმით, ჰესის მშენებლობის დაწყებამდე გარემოზე ზემოქმედების შესახებ დოკუმენტაცია მომზადდება.

"სანამ მშენებლობა დაიწყება, უნდა მოხდეს გარემოზე ზემოქმედების დოკუმენტაციის მომზადება და გარემოს დაცვის სამინისტროსთვის წარდგენა. უწყება იმსჯელებს და ამის შემდეგ, ეკონომიკის სამინისტროსთან ერთად იქნება მიღებული გადაწყვეტილება, დაიწყოს თუ არა მშენებლობა, თუმცა მინდა ვთქვა, რომ შეთხზულია ის ამბავი, თითქოს ამ პროექტის განხორციელებით გარემოს პრობლემა ექმნება და სვანეთი ჩაიძირება. პირიქით, ამ პროექტის განხორციელება არის სვანეთის გადარჩენა", - აღნიშნა კალაძემ.